39:13  13  IN  IEREMIAM.  CAP.  XXXII.  14  Ecce  tu  fecisti  coelum  et  terram.  Si  quis  non  attenderet  ad  circumstantiam  loci,  putaret  hic  prophetam  excurrere,  et  non  contexere  sermonem  suum,  ita  hanc  precationem  esse  quasi  erraticam.  Sed,  quemadmodum  iam  dixi,  quia  sciebat  propheta  homines  nimis  esse  licentiosos  ubi  agitur  de  operibus  Dei,  se  ipsum  fraenavit  in  tempore,  antequam  descenderet  ad  rem  ipsam.  Praefatur  ergo  hoc  modo,  Domine,  non  est  meum  rixari  tecum.  Neque  enim  ad  rationem  reddendam  licet  te  cogere:  Nam  tu  fecisti  coelum  et  terram  in  potentia  tua  magna,  et  brachio  extento.  Est  igitur  tacita  comparatio  inter  Deum  et  hominem  mortalem.  Quisnam  ego  sum,  ut  audeam  te  ad  disceptationem  vocare?  nam  potentia  tua  merito  nobis  est  formidabilis:  dum  attollimus  oculos  in  coelum,  dum  respicimus  terram,  nihil  est  quod  non  debeat  nos  rapere  in  admirationem  tuae  virtutis.  Nam  apparet  sursum  et  deorsum  eius  immensitas.  Videmus  ergo  ut  propheta  hic  extollat  magnificis  elogiis  potentiam  Dei,  quo  se  ipsum  contineat  sub  modestia  et  humilitate,  neque  audeat  obstrepere  Deo,  neque  temere  prorumpere  ad  serendum  iudicium  de  eius  operibus.  Ecce,  inquit,  proponit  sibi  ante  oculos  admirabile  mundi  opificium,  in  quo  relucet  immensa  Dei  virtus.  Postea  adiungit,  neque  est  ulla  res  abscondita  a  te.  Duplex  potest  esse  sensus  huius  particulae.  Nam  tih%  significat  esse  admirabile,  significat  etiam  absconditum  esse.  Iam  maior  pars  interpretum  exponit,  quod  Deum  nihil  lateat,  quia  omnia  posita  sint  sub  eius  oculis:  penetrat  enim  eius  cognitio  usque  ad  profundissimas  abyssos.  Esset  igitur  elogium  sapientiae  Dei,  sicuti  praecessit  elogium  virtutis:  et  hic  sensus  non  male  quadrat.  Non  tamen  repudio  alteram  sententiam,  quae  est  Hieronymi,  quod  scilicet  nihil  sit  Deo  difficile  aut  admirabile,  quoniam  omnia  subiecta  sint  eius  arbitrio:  ita  uno  contextu  diceret  propheta  potentiam  Dei,  quae  refulget  in  conspectu  coeli  et  terrae,  simul  posse  cognosci  in  continua  mundi  gubernatione.  Nam  qui  coelum  et  terram  creavit  potest  etiam  omnia,  ut  nihil  sit  admirabile,  hoc  est,  ut  nihil  sit  difficile  eius  virtuti  simul  ac  hoc  vel  illud  decrevit.  Semper  tamen  in  eundem  scopum  tendit  propheta.  Iam  adiungit,  Tu  facis  misericordiam  in  millia,  et  rependis  iniquitatem  patrum  in  sinum  filiorum.  Hic  propheta  agnoscit  recta  esse  iudicia  Dei,  etiamsi  ipsorum  causa  fugiat  humanas  mentes.  Et  utrumque  fuit  necessarium,  nempe  ut  proponeret  sibi  Ieremias  formidabilem  Dei  potentiam:  deinde  simul  expenderet  omnia  Dei  iudicia  recta  esse,  quamvis  saepe  aliud  homines  existiment.  Deus  enim  habet  absconditam  rationem  in  suis  iudiciis:  ita  fit,  ut  saepe  sollicitent  nos  variae  cogitationes,  et  libenter  quisque  s��  Deo  opponeret.  Ideo  propheta  postquam  de  immensa  Dei  virtute  disseruit,  nunc  simul