38:13  13  IN  IEREMIAM.  CAP.  VIII.  14  11.  Et  curarunt  vulnus  filiae  populi  mei  super  nihilo,  dicendo,  Pax,  pax,  et  nulla  pax.  Repetit  propheta  quod  vidimus  capite  sexto.  Sed  opus  fuit  surdis  vel  tardis  saepius  iterare  quod  iam  effluxerat  e  memoria,  vel  quod  non  tetigerat  ipsorum  animos.  Quoniam  autem  haec  semel  fuerunt  exposita,  breviter  tantum  perstringam  capita,  et  summas  rerum.  Non  dubium  est  quin  hic  accuset  sacerdotes  et  prophetas.  Loquutus  est  ante  in  genere  de  toto  populo,  A  minimo  usque  ad  maximum,  dixerat.  Sed  quoniam  amplificandi  causa  diserte  expresserat  prophetas  et  sacerdotes  fraudibus  esse  deditos,  ideo  specialiter  nunc  in  eos  invehitur,  quod  non  tantum  ipsi  Deum  graviter  offenderint,  sed  quod  alios  etiam  deceperint  suis  blanditiis,  ac  si  impune  liceret  peccare.  Hoc  iam  inexcusabile  erat  crimen,  quum  deberent  aliis  praeire,  ipsos  tamen  fuisse  non  minus  perversos,  quam  vulgus  ipsum:  sed  quod  non  tantum  exemplo,  sed  etiam  doctrina  corruperint  totum  populum,  ita  duplicarunt  scelus.  Fuit  igitur  intolerabilis  haec  impietas,  quod  ausi  fuerint  fallacias  obtendere,  quibus  populum  abriperent  ad  contemptum  Dei  et  legis.  Dicit  ergo  sanasse  vulnus  populi,  quum  tamen  ostenderet  Deus  signa  irae  suae.  Et  per  concessionem  loquitur,  ut  alibi  dictum  est:  quasi  diceret,  fuisse  praeposteros  medicos,  qui  adhibuerint  emplastra  ad  tegendam  iram  Dei.  Ecce,  inquit,  sanarunt  vulnus  populi,  dicendo,  Pax,  pax:  et  hac  duplicatione  propheta  clarius  demonstrat  quam  supina  fuerit  eorum  securitas,  quod  scilicet  non  semel  tantum  deciperent,  sed  pergerent  obstinate  miseros  decipere  falsis  illis  promissionibus.  Adiungit,  Quum  tamen  non  esset  pax.  Potest  hoc  bifariam  sumi,  vel,  quod  Deus  ipso  eventu  refutaverit  ipsorum  dementiam:  vel  quum  nulla  esset  prosperitas,  tamen  ipsos  fallaciter  pollicitos  fuisse  pacem:  sicut  etiam  alibi  conqueritur  Deus  blanditos  fuisse  prophetas  populo:  et  iam  aliquoties  exposuimus  tales  sententias.  Tandem  subiicit,  12.  An  pudor  (est  enim  interrogative  hoc  legendum,  sicuti  capite  sexto  diximus.  Subaudienda  igitur  est  particula  An:  An  ergo  pudefacti  sunt)  quod  abominationem  patrarunt?  etiam  in  pudore  non  pudefacti  sunt:  et  erubescere  non  noverunt:  propterea  cadent  inter  cadentes,  in  tempore  visitationis  ipsorum  impingent  (vel  corruent),  dicit  Iehovah.  His  verbis  clarius  adhuc  exprimit  propheta  prorsus  esse  desperatos,  quia  scilicet  exuerint  omnem  verecundiam.  Est  autem  hoc  signum  perditae  malitiae,  ubi  nullus  superest  pudor.  Hic  etiam  versus  fuit  expositus  sexto  capite.  Sed  iterum  tenendum  est  quorsum  tendat  propheta.  Ergo  haec  summa