37:13  13  CAPUT  XL.  14  retur.  Proponitur  ergo  verbum,  a  quo  nullo  modo  deflectendum  e8t:  nam  si  vel  minimum  aberremus,  miris  labyrinthis  implicabimur,  nec  ullam  extricandi  nostri  rationem  inveniemus.  Aeternum  autem  dicitur  verbum,  non  in  se  tantum,  sed  in  nobis  ipsis:  quod  praecipue  notandum  est,  quoniam  nulla  alioqui  ad  nos  consolatio  redire  posset.  Atque  sic  Petrus,  optimus  huius  loci  interpres,  eum  nobis  accommodat  (1  Ep.  1,  23  sq.),  quum  nos  hoc  semine  incorruptibili  regenerari  dicit:  hoc,  inquam,  verbo  quod  praedicatur.  Unde  colligimus  quod  nuper  dixi,  vitam  mortuis  paratam  esse,  qui  ad  canalem  sibi  propositum  sitibundi  accedent:  quia  virtus  in  Deo  abscondita  per  verbum  nobis  manifestatur.  9.  (Ascende  in  montem.)  Pergit  in  eodem  argumento.  Nam  quum  prius  prophetas  se  daturum  promiserit  Dominus,  qui  populi  tristitiam  et  metum  promissionibus  levarent,  nunc  iubet  eandem  consolationem  latius  spargi:  quia  per  totam  Iudaeam  velit  gratiam  suam  diffundere.  Prius  Ierosolymae  et  Sioni  spem  dederat  faustae  huius  legationis  :  nunc  eandem  vocem  per  alias  urbes  spargi  et  resonare  iubet,  atque  hoc  consilio  clamorem  attolli,  et  ex  edito  loco  publicare  praecipit.  Quanquam  autem  Sionis  et  Ierosolymae  nomine  idem  intelligit,  emphatica  tamen  est  repetitio:  quoniam  admonet  non  alia  de  causa  praecellere  urbem  unam  aliis  omnibus,  nisi  quia  illic  Deus  sanctuarium  sibi  delegit.  Annuntiatricem  porro  vocat,  quia  illic  ex  legis  praescripto  erudiebantur  sacerdotes  et  levitae,  qui  toti  populo  magistri  forent,  suaque  opera  propagarent  salutis  doctrinam.  Interea  notandum  diligenter  hoc  elogium  est,  quo  ecclesiam  suam  insignit  Deus,  ne  certa  discretionis  nota  careat.  Neque  enim  censeri  ecclesia  meretur,  ubi  non  personat  coelestis  doctrinae  praedicatio.  Quo  sensu  etiam  vocatur  a  Paulo  columna  et  firmamentum  veritatis  (1.  Tim.  3,  15).  Etsi  enim  Deus  per  se  et  absque  hominum  ministerio  regere  nos  posset,  has  tamen  ecclesiae  suae  partes  mandavit,  et  apud  eam  dej>osuit  inaestimabilem  verbi  sui  thesaurum.  Qua  etiam  ratione  alibi  dicetur  piorum  omnium  mater.  Unde  sequitur,  nihil  magis  praeposterum  esse  et  absurdum,  quam  a  mutis  idolis  iactari  ecclesiae  nomen,  ut  fit  in  papatu.  Monemur  etiam,  non  ideo  coelitus  doceri  ecclesiam,  ut  sibi  intus  et  occulte  sapiat,  sed  ut  promulget  quod  didicit.  Ad  haec  liberam  et  intrepidam  iniungit  gratiae  promulgationem,  ne  prophetae  et  doctores  quasi  de  re  ambigua  timide  verba  faciant:  sed  ostendant  constare  sibi  plenam  eorum  certitudinem  quae  promittunt,  quia  probe  conscii  sint  Deum  ,  qui  mentiri  non  potest,  sibi  esse  autorem.  Iubet  autem  e  Sione  prodire  gratiae  suae  testes,  qui  totam  Iudaeam  gaudio  repleant.  Ubi  dicit  ecce  Deus  vester,  complectitur  hac  loquutione  sum-