36:13  13  PROLEGOMENA.  ore  exceperam.  Nam  ante  quatuor  annos  in  publicis  concionibus  maximo  cum  fructu  hunc  prophetam  exposuerat,  priusquam  nobis  eum  in  schola  enarraret.  Tunc  ego  non  solum  pias  exhortationes  animadvertens,  quae  ad  corrigenda  populi  vitia,  ad  statum  huius  temporis,  ad  restituendam  doctrinae  et  ecclesiae  puritatem  pertinebant,  sed  puras  interpretationes  quibus  potissimum  insistebat,  ex  iis  solidam  doctrinam  deducens,  ut  eam  in  usum  populi  accommodaret:  has  e  concione  domum  reversus,  quantum  memoria  assequi  poteram,  et  quantum  otii  mei  ratio  ferebat,  latinis  literis  scribebam:  quae  mihi  deinde  in  colligendis  hisce  commentariis  magno  usui  fuerunt.  Non  quod  omnia  huc  transferrem,  aut  eodem  ordine  et  modo  quo  prius  a  me  scripta  erant:  sed  quum  iam  animo  comprehensas  haberem  sententias,  atque  huic  stylo  et  interpretandi  rationi  exercitatione  aliqua  assuefactus  essem:  minus  mihi  negotii  fuit,  quam  si  novus  omnino  et  imparatus  ad  hoc  scribendi  genus  venissem.  Quod  attinet  ad  iudicia  hominum,  qui  varie  de  hoc  meo  labore  censuri  erant,  iam  animo  praevidebant  fore  multos  quibus  opera  mea  minus  grata  foret,  quod  haec  ab  ipso  autore  scripta,  quam  a  me  excepta  et  collecta  habere  maluissent.  Quibus  equidem  ipse  assentior:  politius  enim  ac  perfectius  omnia  praestitisset.  Sed  quum  alia  nobis  opera  pararet,  quorum  fructus  sic  re  ipsa  constat,  ut  eum  a  me  verbis  praedicari  necesse  non  sit:  quumque  multis  negotiis  distractus  vix  interdum  enarrandi  otium  haberet,  nedum  profecto  manum  huic  operi  adhibuisset.  Quamobrem  ego  qui  iam  pridem  huius  prophetae  fueram  studiosus,  et  qui  planiores  multorum  locorum  expositiones  desiderabam,  quum  nunc  iis  fruerer,  operae  pretium  me  facturum  putavi,  si  mihi  consulens  aliorum  quoque  rationem  haberem,  quorum  non  minus  forsitan  desiderium  erat.  Quod  si  non  esset:  tamen  huius  Commentarii  lectione  eorum  mentes  excitari,  iisque  maius  intelligentiae  lumen  afferri  posset.  Ut  ergo  mecum  huius  prophetiae  explicatione  fruereris,  pie  lector,  quam  primum  hunc  laborem  suscipiendum  duxi,  ne  si  diutius  hos  commentarios  exspectaremus,  eos  miseris  hisce  temporibus  aut  iniuria  aut  calamitas  aliqua  nobis  eriperet.  Quas  enim  insidias  emergenti  ecclesiae  et  piis  doctoribus  Sathan  eiusque  ministri  struant,  quotidie  cernimus.  Perfidiam  multorum  experimur,  a  quibus  meliora  sperassemus.  Deprehenditur  in  aliis  inconstantia  et  levitas:  alios  excaecat  splendor  huius  saeculi:  pauci  admodum  vero  pietatis  affectu  tyrannicis  Antichristi  legibus  pro  statu  regni  Christi  sese  opponunt.  Quos  igitur  nobis  reliquos  facit  immensa  Dei  misericordia,  eos  toto  animo,  vel  potius  dona  quae  in  ipsos  contulit,  amplectamur:  ut  in  posterum  ecclesiae  Dei,  quantum  in  nobis  erit,  consulamus.  Quamdiu  nobis  eorum  doctrina  frui  licet,  eam  avide,  velut  arma  repellendis  hostibus  nostris  idonea,  arripiamus.  Verendum  enim  est,  ne  Dominus  improbitatem  hominum  iis  poenis  quibus  digni  sunt  ulciscatur:  nosque  insignibus  iis  donis  spoliet  quibus  hactenus  abunde  ecclesiam  suam  ornavit.  Vigent  in  multis  praeclara  linguarum,  interpretationum,  aliaque  dona,  quorum  profecto  vehementer  studiosi  esse  debemus:  sed  praestantissimum  hoc  prophetiae  donum,  cui  nos  potissimum  incumbere  deceret,  passim  negligitur.  Hinc  accidit  ut  vanae  ostentationi  potius  quam  ecclesiae  saluti  plerique  studeant:  et  se  populo  venditare,  quam  ecclesiam  Christi  aedificare  malint.  Quod  periculum  Paulus  iam  suo  tempore  imminere  sentiens,  ait:  ZTQXOOTS  Se  Ta  TCVSujAaxixa,  jiaXXov  Se  tva  TCpocpYjTSUYjxe.  Hoc  enim  praecipuum  est  in  ecclesia,  ac  prae  caeteris  optandum,  ut  reconditi  scripturae  sensus,  et  divina  mysteria  nobis  cum  fructu  explicentur.  Hoc  si  concidat,  caetera  deinde  paulatim  collabi  necesse  est:  quemadmodum  superioribus  saeculis  magno  ecclesiae  incommodo  experti  sumus.  Itaque  necessarium  prae  aliis  hoc  donum  colendum  est,  ne  depravatis  scripturae  locis  abutamur,  aut  etiam  ipsi  in  alienum  sensum  torqueamus.  Ac  potissimum  doctrinae  propheticae  incumbendum:  in  qua  qui  pie  exercentur,  facilem  sibi  ad  maiora  viam  sternunt,  firmumque  et  solidum  salutis  fundamentum  tenent.  Haec  autem  exercitatio  nobis,  si  unquam  alias,  vel  maxime  his  temporibus  necessaria  est,  quibus  non  solum  cum  papistis  aut  Iudaeis  bellum  gerendum,  sed  cum  horrificis  quibusdam  monstris,  quae  sub  hominum  specie  tecta  omnem  humanitatis  et  religionis  vim  evertere