35:13  13  IOB  CHAP.  XXXII.  14  la  pratique  de  ceci  est  difficile:  mais  Dieu  nous  y  guidera  moyennant  que  nous  souffrions  d'estre  conduits  par  son  sainct  Esprit,  et  que  nous  luy  donnions  toute  autorite  sur  nous.  Cependant  nous  devons  bien  noter  ceste  doctrine,  d'autant  qu'auiourd'huy  nous  voyons  des  occasions  infinies  pour  nous  courroucer  si  nous  sommes  enfans  de  Dieu.  D'un  coste  voila  les  Papistes  qui  ne  demandent  que  d'aneantir  toute  religion,  ll  est  vray  qu'ils  feront  bien  semblant  de  maintenir  la  Chrestiente:  mais  quoy  qu'il  en  soit,  si  ne  demandent-ils  sinon  d'opprimer  la  maieste  de  Dieu.  Nous  voyons  comme  sa  verite  est  desciree  par  pieces,  on  voit  les  blasphemes  execrables  qui  sont  desgorgez  par  eux.  Ie  vous  prie,  quand  ces  choses  ici  ne  nous  toucheront  point  au  vif,  que  nous  n'en  serons  point  navrez,  comme  si  on  notis  donnoit  des  coups  de  dague:  ne  monstrons  -  nous  point  par  cela  que  nous  ne  savons  que  c'est  de  Dieu,  et  que  nous  ne  sommes  pas  dignes  d'estre  avouez  pour  ses  enfans?  Nous  sommes  si  delicats  quand  nostre  honneur  est  blesse,  que  nous  ne  le  pouvons  pas  endurer:  et  cependant  l'honneur  de  Dieu  sera  expose  a  tout  opprobre  et  ignominie,  et  nous  ne  ferons  semblant  de  rien?  Et  ne  faut-il  pas  que  Dieu  nous  reiette,  et  qu'il  nous  monstre  que  nous  n'avons  nulle  affection  a  son  honneur  pour  le  maintenir?  Voila  pour  un  Item.  Or  il  ne  faut  point  encores  aller  si  loin  qu'aux  Papistes,  mais  entre  nous  quand  nous  voyons  ces  chiens  et  porceaux  qui  ne  demandent  qu'a  tout  insecter,  qui  viendront  ietter  leur  groin  sur  la  parole  de  Dieu,  et  qui  ne  taschent  que  de  renverser  tout,  que  nous  voyons  ces  mocqueurs  de  Dieu,  que  nous  voyons  ces  vilains  prophanes  qui  viendront  convertir  tout  en  risee  et  en  mocquerie,  que  nous  voyons  les  meschans  ainsi  desguiser  les  choses,  et  qu'ils  corrompent  et  pervertissent  tout  par  leurs