34:13  13  IOB  CHAP.  XVI.  14  en  est  avec  Dieu,  et  qu'elle  n'a  point  (l'apprehension  qu'il  lui  vueille  faire  sentir  sa  bonte:  il  faut  bien  qu'elle  soit  en  telle  destresse  et  si  grand  estonnement,  comme  si  elle  estoit  entre  les  pattes  des  loups.  Il  ne  faut  point  que  nous  imaginions  que  ce  soit  peu  de  chose  a  l'homme  de  sentir  Pire  de  Dieu,  et  sur  tout  quand  nous  apprehendons  qu'il  nous  est  ainsi  contraire.  Et  pourtant  prions  Dieu  qu'il  lui  plaise  nous  supporter,  et  espargner,  cognoissant  que  nous  ne  sommes  point  capables  de  soustenir  un  tel  fardeau,  sinon  qu'il  nous  donne  les  espaules  pour  ce  faire.  Et  au  reste,  que  nous  le  prions  qu'il  n'use  point  de  telle  rigueur  a  rencontre  de  nous,  que  nous  le  sentions  comme  un  lion:  mais  plustost  qu'il  se  monstre  tousiours  nostre  Pere,  et  qu'il  ne  nous  punisse  point  comme  nous  l'avons  merite  :  mais  qu'il  nous  face  tousiours  sentir  sa  misericorde  par  le  moyen  de  nostre  Seigneur  Iesus  Christ,  afin  qu'apres  qu'il  nous  aura  conduit  par  son  8.  Esprit  en  la  vie  presente,  il  nous  esleve  en  la  gloire  eternelle  de  ses  Anges,  laquelle  il  nous  a  si  cherement  acquise.  Or  nous-nous  prosternerons  devant  la  face  de  nostre  bon  Dieu,  etc.  LE  SOIXANTETROIS1EME  SERMON,  QUI  EST  LE  II.  SUR  LE  XVI.  CHAPITRE.  10.  Ils  ouvrent  leur  bouche  contre  moy,  ils  me  donnent  des  soufflets  par  opprobre,  ils  s'assemblent  contre  moy.  l  l  .  Dieu  m'a  mene  entre  les  mains  des  malins,  il  m'a  espouvante  devant  les  meschans.  12.  Ie  prospervye,  et  il  m?a  abbatu,  et  m'a  saisi  au  col,  U  m'a  mis  pour  sa  bute.  13.  Ses  archiers  m'environnent  de  tous  costez,  il  divise  mes  reins,  il  n'espargne  rien,  il  espard  mon  fiel  par  terre.  14.  Il  m'a  desrompu  de  rompure  sur  rompure,  il  a  couru  sur  moy  comme  un  geant.  15.  I'ai  cousu  le  sac  sur  ma  peau,  et  ay  charge  ma  gloire  de  poudre.  16.  Ma  face  est  ter  nie  de  larmes,  et  mes  paupieres  sont  couvertes  d'ombre  de  mort.  17.  Toutes  fois  il  n'y  a  point  de  fraude  en  mes  mains,  et  mon  oraison  est  pure.  C'est  une  chose  bien  griefve  et  dure  a  l'homme  mortel  quand  Dieu  se  dresse  contre  lui,  et  qu'il  lui  fait  sentir  qu'il  est  comme  sa  partie  adverse.  Or  nul  ne  peut  apprehender  combien  ce  mal  est  grand,  sinon  par  experience.  Et  voila  pourquoy  Iob  use  de  ceste  similitude  de  lion,  comme  nous  avons  veu,  qu'il  a  este  descire  par  pieces,  et  devore  de  Dieu  comme  d'un  lion.  Et  ainsi  en  parle  le  Roy  Ezechias.  Et  ce  n'est  point  (comme  nous  avons  dit)  pour  accuser  Dieu  de  cruaute:  mais  d'autant  que  l'angoisse  que  souffrent  les  povres  pecheurs  quand  Dieu  les  persecute,  ne  se  peut  assez  exprimer.  Or  il  est  bon  que  nous  soyons  advertis  de  ces  choses:  afin  que  si  Dieu  nous  presse  bien  au  vif,  nous  soyons  tellement  estonnez  de  sa  frayeur,  que  cependant  nous  cognoissions  que  les  fideles  qui  ont  vcscu  devant  nous  ont  passe  par  la,  et  que  Dieu  les  en