31:13  13  IOANNES  CALVINUS  PIIS  ET  INGENUIS  LECTORIBUS  SALUTEM.  Si  tantum  utilitatis  afferat  ecclesiae  Dei  commentariorum  meorum  lectio  quantum  ego  ex  scriptione  fructus  percepi,  non  erit  cur  me  suscepti  laboris  poeniteat.  Tametsi  librum  Psalmorum  in  hac  tenui  nostra  schola  exposueram  ante  tres  annos,  hac  opera  perfunctus  statueram  non  publicare  latius  quae  apud  domesticos  familiariter  deposueram.  Et  priusquam  enarrationem  aggrederer  fratrum  meorum  rogatu  dixeram  quod  verum  erat,  me  ideo  supersedere  quod  fidelissimus  ecclesiae  doctor  Martinus  Bucerus  summa,  quam  in  hoc  opere  praestitit,  eruditione  diligentia  et  fide,  id  saltem  consequutus  erat  ne  tantus  esset  operae  meae  usus.  Nec  vero  de  Wolphgangi  Musculi  commentariis,  si  iam  tunc  in  lucem  prodiissent,  tacere  fas  fuisset  quando  et  hic  sedulitate  et  industria  non  parum  laudis  bonorum  iudicio  meritus  est.  Nondum  ad  finem  operis  perveneram  dum  ecce  novis  precibus  solliciter,  ne  meditationes  meas,  fideliter  et  dextre,  non  absque  magno  labore  exceptas,  perire  sinam.  Ego  in  proposito  manere:  tantum  quod  pridem  in  animo  fueras  promittere  (ne  genti  nostrae  in  libro  tam  utili  deesset  adiumentum)  me  scripturum  aliquid  gallice.  Id  dum  tentare  cogito  repente