29:13  13  SUR  LE  DEUTER.  CHAP.  XXXII.  14  a  qu'amertume  et  venin  en  eux,  voire  une  rage  diabolique:  car  ils  ne  se  contentent  point  de  s'estre  mocquez  de  la  grace  qui  leur  est  presentee,  de  la  redemption  qu'ils  avoyent  fait  semblant  de  tant  souhaitter:  mais  ils  crucijfient  le  Redempteur  qui  leur  est  envoye.  Puis  qu'ainsi  est  donc  que  les  Iuifs  ont  aneanti  toute  la  grace  de  Dieu,  voila  l'Evangile  qui  est  publie  par  tout  le  monde:  mais  (comme  i'ay  dit)  notons  bien  la  longue  patience  dont  Dieu  avoit  use  envers  eux,  et  que  cela  ne  soit  point  cause  de  nous  faire  endormir  en  nos  vices:  car  il  nous  faudra  payer  les  arrerages,  quand  nous  aurons  abuse  de  la  bonte  de  nostre  Dieu,  quand  il  nous  aura  espargnez,  et  que  du  premier  coup  il  n'aura  point  use  de  telle  vengeance  que  nous  avions  merite.  Quand  donc  il  nous  menace,  que  nous  retournions  a  luy:  car  il  eust  beaucoup  mieux  valu  que  les  Iuifs  eussent  souffert  des  punitions  temporelles,  que  d'avoir  este  aisi  supportez,  et  qu'en  la  fin  il  y  soit  advenu  une  vengeance  si  horrible,  comme  nous  voyons  que  la  ville  de  Ierusalem  a  este  traittee:  car  si  nous  regardons  les  afflictions  qui  y  sont  advenues,  on  ne  trouvera  point  iamais  de  tels  exemples  depuis  que  le  monde  est  cree,  que  les  hommes,  et  tous  les  habitans  ayent  este  ainsi  affligez:  qu'ils  estoyent  la  comme  enragez  les  uns  contre  les  autres  quand  il  estoit  question  de  la  nourriture,  tellement  que  les  brigans  dominoyent  la  dedans:  que  s'ils  n'osoyent  sortir  dehors  la  ville  pour  s'eslargir,  a  cause  qu'ils  estoyent  la  enserrez  de  tous  costez,  les  brigandages  et  volleries  estoyent  encores  plus  cruelles  au  dedans:  que  les  brigans  estoyent  la  pour  coupper  la  gorge  a  tous  ceux  qui  pensoyent  sortir:  que  les  choses  y  estoyent  si  confuses,  et  si  horriblement  dissipees,  que  les  femmes  tuent  leurs  propres  enfans  pour  les  manger,  que  le  pere  porte  envie  a  la  mere,  quand  il  aura  desrobbe  ses  enfans  pour  les  avaller  en  ses  entrailles.  Or  pensons  a  nous,  quand  les  choses  sont  si  cruelles,  et  cognoissons  que  nostre  Seigneur  a  voulu  donner  un  tel  exemple,  afin  que  nous  cheminions  en  crainte  et  sollicitude,  et  cependant  qu'il  nous  donne  loisir  de  retourner  a  luy,  que  nous  y  venions,  voire  en  haste,  que  nous  n'attendions  point  du  iour  au  lendemain,  de  peur  que  la  porte  ne  nous  soit  fermee.  Voila  donc  ce  que  nous  avons  a  retenir.  Or  venons  maintenant  a  ce  que  Moyse  adiouste  :  qu*alors  Dieu  a  suscite  un  peuple  qui  n'estoit  point  peuple,  une  nation  qui  n'estoit  point  nation.  Par  ces  mots  nous  sommes  admonnestez,  devant  que  Dieu  nous  ait  choisis,  qu'il  nous  ait  attirez  a  la  cognoissance  de  verite,  que  c'est  autant  comme  si  nous  n'estions  rien.  Il  est  vray  que  ceste  grace  n'est  point  a  mespriser,  quand  Dieu  nous  met  en  ce  monde,  et  ne  nous  y  met  pas  comme  les  boeufs,  les  asnes  et  les  chiens:  mais  comme