28:13  13  SUR  LB  DEUTER.  CHAP.  XXII.  U  dont  Dieu  parle  ici?  Or  il  les  faut  estendre  plus  loin  que  beaucoup  qui  s'excusent  tousiours,  et  s'exemptent  le  plus  aisement  qu'ils  peuvent,  quand  ils  voyent  que  les  commandemens  de  Dieu  leurs  sont  trop  durs  et  difficiles,  et  mesmes  impossibles  du  tout:  il  s'en  exemptent,  voire  par  des  subterfuges  frivoles.  Oar  ie  seray  tenu  de  faire  cela  a  mon  frere,  c'est  a  dire,  quand  nous  aurons  quelque  accointance,  quelque  privaute  de  voisinage,  ou  bien  qu'il  y  aura  quelque  amitie  privee:  nous  dirons  qu'il  y  aura  la  fraternite.  Voire,  mais  quand  nous  aurons  a  faire  avec  les  plus  estranges  du  monde,  faut-il  que  nous  les  reputions  nos  freres?  A  quel  propos?  Voila  comme  les  hypocrites,  sous  ombre  de  ce  mot  de  Frere,  voudront  se  iouer  avec  Dieu,  et  rompre  le  lien  qu'il  nous  a  ici  mis.  Mais  l'exposition  nous  en  est  donnee  au  23.  chapitre  d'Exode,  ou  il  est  dit:  Si  l'asne,  ou  le  boeuf  de  ton  ennemi  est  tombe,  que  tu  le  redresses,  que  tu  faces  le  profit  de  celuy  qui  te  hait,  et  qui  ne  cerche  que  ton  dommage.  Voila  donc  qui  sont  nos  freres,  c'est  assavoir  nos  ennemis  et  ceux  qui  nous  persecutent,  ceux  qui  voudroyent  nous  avoir  mange:  si  faut-il  encores  que  nous  gardions  fraternite  avec  eux.  Et  comment  cela?  Il  est  vray  que  de  prime  face  la  chose  se  trouvera  bien  fascheuse  :  car  ceux-la  n'ontils  point  rompu  le  lien  de  fraternite?  Encores  qu'il  y  eust  union  entre  tout  le  genre  humain,  ceux  qui  sont  si  malins  et  pervers,  ceux  qui  despittent  Dieu  en  faisant  mal,  ne  sont-ils  pas  dignes  qu'on  les  reiette,  et  qu'on  n'ait  plus  de  communication  avec  eux,  puis  qu'ils  y  ont  renonce?  Il  est  vray  que  si  nous  avons  regard  a  leurs  personnes,  nous  dirons  bien  :  Celuy-la  qu'il  soit  mon  frere,  quand  il  s'est  ainsi  esleve  contre  moy?  Et  s'il  est  un  membre  de  mon  corps,  voudroit-il  que  ie  fusse  couppe?  Ainsi  donc,  ie  ne  veux  point  avoir  d'accointance  a  luy  en  facon  que  ce  soit,  d'autant  qu'il  m'a  quitte.  Et  l'alliance  que  i'avoye  avec  luy  estoit  de  Dieu,  il  nous  l'avoit  baillee:  mais  il  s'en  est  retire  du  tout.  Ie  le  puis  donc  laisser  en  cas  semblable.  Or  cependant  que  nous  plaiderons  contre  la  personne,  il  est  vray  que  ces  excuses  vaudront,  mais  devant  Dieu  elles  ne  sont  de  mise  ni  de  recette.  Oar  quand  il  a  institue  proximite  entre  nous,  c'a  este  a  ceste  condition,  qu'encores  qu'un  homme  s'en  rende  indigne,  nous  ne  laissions  pas  de  luy  faire  tout  le  bien  qu'il  sera  possible.  Et  ainsi,  le  lien  de  parentage  qui  a  este  ainsi  ordonne  de  Dieu,  ne  peut  estre  viole  en  facon  que  ce  soit.  Quand  un  homme  seroit  le  plus  desborde  qu'on  pourroit  dire,  encores  faut-il  que  nous  le  traittions  comme  nostre  prochain.  Il  est  vray  qu'il  y  a  bien  des  cas,  ou  nous  devons  delaisser  les  hommes,  et  les  abandonner  du  tout:  mais  nous  ne  devons  pas  laisser  de  procurer  cependant  et  leur  bien  temporel,  et  par  plus  forte