27:13  13  SUR  LE  DEUTER.  CHAP.  X.  14  enseignez.  Voila  donc  double  grace  que  Dieu  nous  fait:  c'est  quand  en  premier  lieu  il  nous  prepare  a  venir  a  luy  pour  recevoir  sa  doctrine:  et  puis  en  second  lieu,  il  nous  instruit,  nous  illuminant  par  son  sainct  Esprit,  il  forme  nos  coeurs,  et  nos  affections,  afin  que  nous  soyons  conformes  a  sa  gloire:  et  quand  il  parle,  que  ce  ne  soint  point  seulement  a  nos  aureilles,  mais  a  nos  coeurs  beaucoup  mieux.  Ainsi  de  la  nous  avons  a  conclurre  (comme  i'ay  desia  dit)  que  iamais  nous  ne  parviendrons  a  la  foy,  que  nous  n'ayons  en  premier  lieu  ceste  obeissance.  Et  voila  pourquoy  auiourd'huy  il  y  en  a  si  peu  qui  croyent:  car  ils  sont  pleins  de  fierte,  ils  viennent  reietter  Dieu,  tellement  qu'il  n'a  nul  approche  a  eux,  ils  s'enveniment  contre  sa  parolle,  et  resistent  a  sa  verite,  ils  se  despittent  contre  leur  profit,  et  salut.  Ainsi  cognoissons  que  pour  estre  vrais  escoliers  de  Dieu,  il  faut  commencer  par  ce  bout  d'estre  dociles:  et  puis  quand  nous  serons  ainsi  disposez,  que  nous  souffrions  d'estre  enseignez  par  luy,  afin  qu'il  engrave  en  nos  coeurs  sa  doctrine.  Cependant  nous  avons  aussi  a  noter,  que  ce  n'est  point  a,  nous  de  faire  ni  bastir  des  loix  pour  bien  servir  Dieu:  mais  qu'il  nous  faut  simplement  apporter  les  tables,  et  que  luy  de  son  coste  escrive  ce  que  bon  luy  semblera.  Moyse  a  este  un  grand  Prophete,  et  excellent:  mais  tant  y  a  que  Dieu  ne  luy  baille  point  conge  ne  liberte  de  rien  escrire,  ni  adiouster  aux  deux  tables:  mais  il  l'a  voulu  restreindre  a  ce  qui  estoit  contenu  aux  deux  tables.  Et  il  a  bien  declaire  cela  quand  chacune  des  tables  n'a  point  este  escrite  seulement  d'un  coste,  mais  des  deux,  que  tout  a  este  rempli,  afin  qu'il  ne  fust  point  licite  a  homme  mortel  d'y  rien  adiouster.  Quand  donc  Dieu  escrit  ses  commandemens  en  ces  deux  tables,  et  qu'il  ne  commet  point  cest  office  a  Moyse  :  assavoir  s'il  sera  licite  a  creature  mortelle  de  rien  inventer  pour  adiouster  a  la  Loy  de  Dieu?  Voila  donc  comme  nous  avons  a  prattiquer  ceste  doctrine,  c'est  que  s'il  n'est  point  permis  a  Moyse,  un  homme  si  excellent,  qui  estoit  comme  un  Ange  de  Dieu,  de  ne  rien  escrire,  ni  adiouster  a  sa  Loy,  que  sera-ce  de  nous?  Ainsi  pour  bien  servir  a  Dieu,  apprenons  qu'il  ne  faut  point  presumer  d'inventer  rien  qui  soit,  de  nous  confier  en  nos  devotions,  qu'on  appelle:  car  tout  cela  est  reprouve:  mais  apportons  les  tables,  c'est  a  dire,  nos  personnes  en  sacrifice,  et  qu'il  n'y  ait  rien  escrit  en  nous,  iusques  a  ce  que  Dieu  parle,  et  que  nous  recevions  simplement  ce  qui  procede  de  sa  bouche  sans  aucune  replique.  Or  maintenant,  puis  que  nous  avons  cela,  notons  ce  qui  est  adiouste:  c'est  que  Dieu  commande  a  Moyse,  et  declaire  qu'il  veut  que  le  cr  off  ret  qu'il  avoit  fait,  c'est  a  dire,  l'arche  qu'on  appelle  l'arche  de  l'alliance,  qu'il  veut  qu'elle  soit