26:13  13  SUR  LE  DEUTER.  CHAP.  II.  U  ici  couchez:  Tu  ne  Virriteras  point  (dit-il)  et  il  te  craindra.  Et  puis  il  adiouste  :  Tu  acheteras  le  pain  que  tu  dois  manger,  iusques  a  Veau  (dit-il)  qui  tu  boiras  que  tu  ayes  tousiours  la  bource  ouverte  pour  payer  et  pour  contenter.  Ici  nous  voyons,  quand  Dieu  veut  maintenir  un  peuple  en  possession,  qu'il  ne  l'irrite  point  pour  se  ietter  aux  champs.  Oar  voila  qui  a  mis  la  crainte  sur  les  Idumeens,  afin  que  les  enfans  d'Israel  n'eussent  point  occasion  de  guerre.  Nous  verrons  ci  apres,  comme  Dieu  a  endurci  le  coeur  de  Sehon,  qu'il  a  enflambe  les  autres  habitans  du  pays,  qu'ils  se  sont  armez  contre  le  peuple  d'Israel,  d'autant  qu'il  les  vouloit  dechasser.  Voila  donc  comme  il  a  monstre  par  effect  aux  enfans  d'Israel,  qu'ils  avoyent  iuste  occasion  de  guerre.  Mais  quand  il  a  tenu  les  Idumeens  en  crainte,  qu'il  les  a  disposez  tellement,  qu'ils  ont  donne  entree  aux  enfans  d'Israel,  qu'ils  ont  traffique  avec  eux  paisiblement:  en  cela  voyons-nous,  (comme  i'ay  desia  touche)  quand  nostre  Seigneur  veut  maintenir  un  peuple  en  possession,  il  luy  donnera  tel  esprit,  qu'il  n'irritera  point  ses  voisins,  il  n'ouvrira  point  la  porte,  il  ne  sonnera  point  le  premier  le  tabourin  ou  la  trompette:  bref,  la  guerre  ne  viendra  point  de  son  coste.  Ainsi  nous  faut-il  conclure,  que  quand  un  peuple  s'advancera,  ou  bien  qu'un  prince  voudra  faire  des  folles  entreprises,  qu'il  se  meslera  par  ci,  et  par  la:  cognoissons  que  c'est  Dieu  qui  le  veut  precipiter,  et  qui  luy  veut  oster  le  pays  qu'il  luy  avoit  donne.  D'autant  plus  donc  nous  faut-il  prier  Dieu,  qu'il  luy  plaise,  pour  nous  maintenir,  faire  que  nous  soyons  paisibles  et  modestes,  et  n'ensuyvions  point  ceux  qu'on  voit  avoir  leurs  esprits  pleins  d'inquietude,  qu'ils  voudroyent  qu'on  attentast  ceci  et  cela.  Abstenons  de  telles  choses,  afin  que  nostre  Seigneur  nous  maintienne  en  paix:  car  c'est  le  vray  moyen,  comme  i'ay  desia  dit.  Cependant  nous  sommes  aussi  bien  enseignez  comme  on  se  doit  gouverner  en  la  guerre,  voire  presupposant  que  la  guerre  soit  iuste  et  saincte,  et  que  Dieu  l'approuve:  c'est  assavoir,  que  nul  ne  soit  vexe,  qu'il  n'y  ait  ne  pillage,  ni  saccagement,  ni  extorsion.  Car  il  est  dit:  Vous  achetere#  le  pain  que  vous  devrez  manger,  mesmes  vous  acheter  e#  a  prix  d'argent  Veau  que  vous  devre0  boire.  Si  Dieu  commande  a  ce  peuple  d'Israel  d'acheter  l'eau  qu'il  boira:  combien  ceux  qui  font  guerre  doyvent-ils  acheter  et  vin,  et  pitance,  et  choses  qui  coustent  argent  de  ceux  qui  ne  sont  point  leurs  ennemis?  Car  il  est  ici  parle  des  Idumeens.  Or  auiourd'huy  comme  cela  est-il  observe,  ie  vous  prie?  Il  est  vray  qu'on  fera  assez  d'edits:  mais  on  voit  comme  ils  sont  gardez.  Mesmes  qui  sont  les  plus  tormentez  en  guerre,  sinon  ceux  qui  en  portent  tout  le  faix?  Voila  un  pays,  quand  un  Roy  ou  un  prince  fera,  guerre,  il  semble  que  ce  soit  pour  le