24:13  13  COMMENTARIUS  IN  EXODI  CAP.  I.  14  malam  semper  mercedem  ab  hominibus  rependi  benefactis,  ut  discamus  in  officiis  praestandis  Deum  unum  respicere:  quia  alioqui  vel  ad  conciliandum  nobis  favorem  et  plausum,  vel  ad  captandas  terrenas  utilitates  plus  aequo  sumus  addicti.  Quanquam  non  vulgare  fuit  praemium  quod  ultra  centum  annos  liberaliter  habiti  sunt  in  gratiam  Ioseph  Israelitae,  ut  in  gente  superba,  avara  et  crudeli  commode  viverent.  Caeterum,  quidquid  accidat,  ut  non  solum  compensatione  omni  fraudemur,  sed  conspirent  in  nostram  perniciem  multi  de  quibus  bene  meriti  erimus,  nunquam  recte  fecisse  nos  poeniteat.  Interea  discamus  nihil  efficacius  esse  ad  cohibendam  nocendi  libidinem  coniunctionis  vinculis,  quibus  nos  Deus  mutuo  adstringit.  Etsi  autem  apud  omnes  evanuerat  gratia  Ioseph,  probrum  tamen  ac  crimen  ingratitudinis  praecipue  in  regem  confertur:  cui  plus  quam  turpe  fuit  ignorare  cuius  industria  et  opera  tam  uberem  quotannis  proventum  perciperet.  Nam  quum  agrorum  fundos  emisset  sanctus  patriarcha,  inde  regi  annuum  tributum  acquisierat  quintam  frumenti  partem.  Verum  ita  solent  tyranni  quidquid  illis  penditur  ingurgitare,  neglecta  iuris  sui  inquisitione.  9.  Dixitque  ad  populum.  Nempe  in  conventu  solenni,  quales  a  regibus  haberi  solent,  ubi  de  publico  statu  consultandum  est.  Quasi  diceret  Moses  caput  hoc  deliberationis  apud  ordines  propositum  a  rege  fuisse:  nempe,  quia  timendum  sit  ne  filii  Israel  multitudine  sua  et  robore  freti  insurgant,  res  novas  moliantur,  ac  si  quid  turbatum  sit  excusso  iugo  Aegyptum  relinquant,  praeveniendos  esse,  ac  premendos  duris  oneribus,  ne  quid  tentare  audeant.  Hoc  vocat  Pharao,  prudenter  se  gerere.  Etsi  enim  verbum  DDsl  saepe  in  malam  partem  sumitur  pro  Callide  circumvenire  :  hic  tamen  honesto  titulo  quam  statuit  inferre  iniuriam  praetexit:  prudenter  dispiciendum  esse,  ne  sua  ignavia  vel  cessatione  Aegyptii  grave  sibi  damnum  accersant.  Fuit  quidem  hoc  vulgare  apud  profanas  gentes,  in  capiendis  consiliis  pluris  esse  honestum  quam  utile:  sed  ubi  ad  rem  ventum  est,  omnes  fere  ita  excaecat  cupiditas  ut  praeterito  honesti  respectu,  ad  sua  commoda  ferantur  praecipites.  Adde  quod  ex  utili  faciunt  necessarium  :  deinde  sibi  persuadent  rectum  esse  quidquid  suscipere  coguntur.  In  promptu  enim  occurrit  et  facile  decipit  speciosus  ille  sed  fallax  color,  ubi  aliquid  imminet  periculi,  obviam  eundum  esse.  Scelestis  quidem  et  deploratis  tribuitur  apud  tragicos  poetas  vox  ista  detestabilis,  occupandum  esse  scelus:  quia  natura  dictat  id  iniustum  esse  ac  praeposterum.  Sed  haec  vulgo  optima  videtur  esse  cavendi  ratio,  ut  neminem  providum  censeant,  nisi  qui  securitati  propriae  cum  alterius  damno,  si  ita  res  ferat,  consulit.  Ex  hoc  fonte  manant  fere  bella  omnia:  quia,  dum  quisque  principum  sibi  a  vicinis