21:13  13  NOTICE  LITTERAIRE.  14  avoit  eu  des  memoires  tresparticulieres  et  tresfideles  de  toutes  choses,  n'en  eust  este  informe;  et  s'il  en  eust  eu  la  connoissance,  il  est  a  presumer  qu'il  n'eust  pas  manque  de  le  rapporter  dans  son  histoire,  puis  qu'outre  l'obligation  qu'il  y  avoit,  comme  un  historien  fidele  et  veritable,  dont  on  ne  lui  peut  pas  oster  la  louange,  il  eust  fait  un  si  grand  plaisir  a  tous  ceux  de  son  parti.  Puis  donc  qu'il  n'en  a  fait  aucune  mention,  et  qu'au  contraire  il  a  estime  digne  de  le  mettre  entre  les  hommes  illustres  dont  il  a  consacre  les  noms  a  la  posterite:  c'est  un  signe  tres-evident  qu'il  a  este  bien  persuade  de  son  innocence,  et  que  tout  ce  qu'on  disoit  contre  lui,  n'avoit  point  d'autre  fondement  que  dans  la  passion  de  ses  adversaires.  Mais  ce  seroit  encore  peu  de  chose  si  ce  n'estoit  que  des  particuliers  qui  deposassent  en  sa  faveur,  ou  des  gens  tout  a  fait  estrangers  qui  en  parlassent  sans  le  bien  cognoistre;  mais  si  on  fait  voir  des  pieces  publiques  de  la  ville  mesmes  de  Noyon  dont  il  est  sorti,  qui  le  justifient  de  ces  pretendus  crimes,  quel  lieu  y  aura-il  apres  cela  de  douter  que  ce  ne  soyent  des  calomnies  diaboliques  dont  on  a  voulu  flestrir  la  memoire  de  ce  grand  personnage?  Or  nous  en  pouvons  alleguer  deux.  La  premiere  est  une  enqueste  qui  fut  faite  autrefois  a  Noyon,  que  monsieur  Rivet  dans  son  livre  intitule  Jesuita  vapulans,  tesmoigne  d'avoir  veu  entre  les  mains  de  monsieur  Wandremyle,  qu'il  avoit  eue,  estant  a  Noyon,  du  notaire  meme  qui  l'avoit  faite.  En  voici  les  propres  termes.  Le  pere  de  Jean  Cauvin  qui  depuis  se  fit  appeler  maistre  Jean  Calvin  fut  Gerard  Cauvin,  qui  durant  sa  vie  demeuroit  a  Noyon,  et  avoit  la  charge  de  procureur  dans  la  cour  ecclesiastique  de  ce  meme  lieu;  il  estoit  natif  d'un  bourg  qu'on  appelle  le  Pont-1'Evesque.  8a  mere,  de  laquelle  nous  ignorons  le  nom,  estoit  de  Cambray.  L'un  et  l'autre  sont  morts  bons  catholiques.  ,,Ils  eurent  quatre  fils  et  deux  filles.  L'aisne  des  fils  se  nommoit  Charles  Cauvin,  qui  mourut  prestre  et  chapelain  de  l'eglise  dela  bienheureuse  Vierge  de  Noyon  l'an  1536.  On  le  soupconnoit  d'heresie,  car  il  ne  voulut  pas  recevoir  les  sacremens  devant  sa  mort,  d'ou  vien  qu'on  enterra  son  corps  entre  les  quatre  colonnes  de  la  potence  de  Noyon;  ce  qui  fut  fait  de  nuict  pour  eviter  le  scandale,  parce  que  son  heresie  n'estoit  pas  notoire.  Son  second  fils  fut  le  predict  Jean  Calvin.  Le  troisieme,  Anthoine  Cauvin,  qui  fut  chappelain  de  la  chappelle  ditte  Tournerolle  dans  le  bourg  de  Traches  de  la  paroisse  de  Noyon.  Mais  apres  que  celui  qui  s'appeloit  Calvin  se  fut  establi  a  Geneve,  son  frere  Anthoine  s'y  transfera  aussi,  et  la  s'y  maria  et  y  mourut.  Le  quatrieme  fils  mourut  jeune,  et  nous  en  ignorons  le  nom.  Les  deux  filles  de  ce  mesme  Gerard  Cauvin  se  manerent  en  l'eglise  catholique  de  cette  mesme  ville;  Pune  mourut  sans  enfans,  l'autre  eut  un  fils  qui  vit  encores  a  present  a.  Noyon,  et  exerce  le  mestier  de  polisseur  d'armes.  Le  predit  Jean  Calvin  nasquit  et  receut  le  baptesme  a  Noyon,  ou  il  s'addonna  aux  lettres  estant  encores  jeune  garcon.  Il  ne  fut  pas  du  nombre  de  ceux  qui  chantent  dans  le  choeur;  mais  il  eut  la  chapelle  appelee  de  la  Gesine,  fondee  dans  l'eglise  cathedrale.  De  plus,  il  fut  cure  du  bourg  dit  Pont-1'Evesque,  duquel  il  a  este  parle  ci  dessus.  Estant  encores  jeune,  il  quitta  Noyon  et  s'en  alla  a  Paris  pour  y  faire  ses  estudes.  De  la  a  Orleans  ou  il  quitta  la  religion  catholique,  estant  devenu  apostat.  D'orleans,  il  s'en  alla  en  Italie,  et  sejourna  quelque  temps,  sur  tout  a  Rome,  a  Venise  et  a  Padoue.  ,,De  la  a  quelque  temps  s'en  retourna  a  Paris,  ou  secrettement  il  divulguoit  ses  dogmes.  Mais  comme  pour  cette  affaire-la,  celui  qui  estoit  pour  prendre  garde  sur  les  crimes  capitaux  faisoit  inquisition  de  lui  au  college  du  cardinal  Le  Moine,  ou  il  avoit  sa  demeure,  on  le  devala  avec  les  linceuls  de  son  lict  par  la  senestre  qui  respondoit  sur  la  rue  des  Bernardins.  Ce  qui  l'obligea  de  s'en  venir  a  cette  dite  ville  de  Noyon,  ou  il  vendit  sa  chapelle,  et  resigna  a  un  sien  cousin,  qui  avoit  este  sur  nomme  Cain,  le  revenu  du  Pont  l'Evesque.  Lequel  Cain,  encores  qu'il  fust  prestre,  ne  laissa  pas  d'avoir  la  compagnie  de  sa  belle  mere,  laquelle  il  emmena  avec  lui,  et  nous  ne  scavons  ce  qu'ils  sont  devenus.  .Apres  que  Calvin  eut  ainsi  mis  ordre  a  ses  biens,  il  s'en  alla  en  Gascogne  et  Bearn  en  l'an  1533,  ou  il  ne  s'arresta  pas  long  temps,  parce  qu'estant  sacramentaire  et  que  ceux  ausquels  il  vouloit  insinuer  sa  doctrine  estoyent  lutheriens,  ils  ne  lui  firent  pas  bon  accueil.  De  la  donc  il  s'en  alla  a  Geneve,  ou  il  s'en  fallut  peu  qu'ils  ne  le  precipitassent  du  haut  en  has,  lequel  genre  de  supplice  est  en  usage  parmi  eux,  parce  qu'il  divulguoit  ses  dogmes.  Mais  s'estant  eschappe  il  s'enfuit  a  Lausanne,  d'ou  peu  de  temps  apres  il  s'en  retourna  a  Geneve,  ou  plusieurs  estans  desja  corrompus  en  matiere  de  religion,  il  y  habita  avec  liberte.  Nous  ne  scavons  rien  touchant  ses  ayeuls,  si  ce  n'est  qu'on  dit  que  son  ayeul  estoit  tonnelier  dans  le  Pont  l'Evesque,  ou  il  y  a  encores  quelques  uns  de  ses  parens,  mais  qui  ne  sont  pas  de  ses  proches,  et  il  n'y  en  a  point  qui  se  nomme  Cauvin."  Ces  paroles  ont  este  traduites  de  mot  a  mot  du  registre  de  ce  notaire  public,  dans  lesquelles  encores  qu'il  se  rencontre  diverses  choses,  particulierement  ou  il  parle  des  voyages  de  M.  Calvin,  qui  ne  sont  pas  conformes  a  la  verite,  il  appert  pourtant  que  cette  information  a  este  faite  dans  la  ville  mesme