19:13  13  1561  OCTOB.  U  igitur  quintae  et  sextae  actionis  exitus.  Nos  vero  exspectamus  quid  tandem  sint  inter  se  constituturi,  ut  et  ipsi  postea  consilium  capiamus.  Quaeris  autem  quid  speremus?  nihil  boni  ab  hominibus,  sed  omnia  a  Deo.  Tfj  ��aavXCacfi  nihil  mutabilius,  et  nihil  hic  fere  animadverto  praeter  avctQxiav.  Acres,  diligentes,  imperterriti  sunt  hostes.  In  nostris  nihil  simile.  Sed  Deus  plane  quis  sit  ostendet  in  rebus  deploratissimis.  Si,  quod  futurum  arbitror,  mox  solvatur  colloquium,  protinus  me  in  viam  dabo  et  ipse  tibi  coram  nunciabo  infinita  quae  scribere  nec  possum  nec  volo.  Sin  minus,  perdurabo  sub  hac  cruce  quamdiu  visum  erit  Domino.  Mitto  ad  te  duas  alteras  nostras  orationes  in  tertia  et  quarta  actione  habitas.  Quid  illi  ex  adverso  responderint  et  omnium  ultro  citroque  dictorum  summa  ex  ipsis  actis  cognosces,  simulatque  absolvere  potuero.  Quum  haec  heri  scripsissem  nuncium  exspectans,  ecce  nobis  gratissiinae  tuae  literae  datae  24  Septembris.  Redditae  sunt  reliquae  iis  omnibus  quibus  inseri  psisti,6)  D.  Amiraldus  promisit  se  intra  duos  dies  Merlinum  nostrum  absoluturum7)  per  quem  etiam  respondebit.  Galasius  noster  de  invisendis  pictonibus  deliberabit.  Acanthium  cuperem  mecum  abducere,  sed  est  valde  infirma  valetudine.  De  nostro  Chandio  melius  quiddam  spero,  quam  quum  ad  te  scriberem.  Pater  me  valde  sollicitat  ut  se  in  reditu  invisam  quod  ei  negare  non  possum.  Sed  omnino  ad  paucos  dies  me  retinebit  quia  vestri  desiderium  ferre  amplius  non  possum,  quum  praesertim  vos  opprimi  videam  et  interea  nihil  hic  agi.  Legatus  hic  valde  friget  et  supra  quam  possis  credere.  Tantum  vereor  ne  clam  aliquid.  8)  Uxorem  meam  rogo  ut  sicuti  facis  pergas  habere  commendatam.  Vinum  quandoquidem  tuo  consilio  vendidit,  tu,  ut  spero,  culpam  lues.  NOTmandium  nostrum  et  omnes  collegas  et  amicos  ego  et  nostri  omnes  cupimus  plurimum  salvere.  Bene  vale,  mi  plurimum  observande  pater.  D.  Iesus  tibi  magis  ac  magis  benedicat  et  tuas  preces  exaudiat.  Ex  Sangermano  quarto  nonas  Octobris.  Tuus  Beza.  6)  N.  3530  et  seqq.  7)  vide  N.  3550.  8)  Aliter  Languet  II.  145:  Audio  Card.  Ferrariensem  habuisse  mandatum  a  Pontifice  de  multis  concedendis,  sed  haec  mandata  episcopi  nullo  modo  voluerunt  admittere.  Contra  Martyr  infra  N.  3574,