18:13  13  1560  FEBRUAR.  U  3161.  CALVINUS  BLAURERO.  De  relapsis  in  eadem  peccata  et  de  statu  Galliae.  (Edidit  Beza  Genev.  p.  304,  Laus.  p,  602,  Hanov.  p.  678,  Chouet  p.  418,  Amst.  p.  191.)  Tempestive  domi  meae  indicaverat  Iacobus  Linerus,  venturos  hodie  mercatores  qui  literas  meas  tibi  reddendas  fideliter  curarent:  sed  famuli  mei  oblivione  factum  est  ut  tardius  fuerim  admonitus.  Itaque  si  me  ad  brevitatem  coget  temporis  angustia,  dabis  veniam,  praestantissime  vir  et  ex  animo  venerande  frater.  Quomodo  in  bonam  spem  erigi  possint  eorum  conscientiae  qui  in  eadem  saepius  peccata  relapsi  sunt,  perinde  me  rogas,*)  ac  si  mihi  suppeteret  melior  ratio  quam  tibi,  qui  doctrina,  usu  et  peritia  me  superas.  Verum  ut  intelligas  nihil  mihi  esse  pluris  quam  ut  tibi  morem  geram,  posthabito  pudore  aliquid  tentabo.  Ac  primo  tibi  assentior,  nullum  in  scriptura  reperiri  singulare  huius  rei  exemplum.  Neque  enim  legimus  ullum  hominem,  post  datum  poenitentiae  signum,  eiusdem  delicti  reatu  saepius  implicitum  fuisse.  Verum  ut  fateor  non  parum  valere  exempla  ad  doctrinae  confirmationem,  ita  si  hoc  adminiculo  carent,  in  ea  una  acquiescere  tuto  nobis  non  minus  licet.  Quid  ergo  scriptura  doceat,  nunc  videndum.  Prophetae  certe  ad  poenitentiam  passim  hortantur,  non  qui  semel  deliquerant,  sed  qui  obstinato  Dei  contemptu  ruere  non  destiterant  in  omne  scelerum  genus,  vel  postquam  simulaverant  poenitentiam  ad  ingenium  postea  redierant.  Saepe  enim  fraudis  aut  malae  fidei  accusant  Israelitas,  quod  falso  et  dolose  prae  se  tulerint  Dei  timorem  quo  vacui  erant,  et  fallaci  conversionis  praetextu  Deum  et  servos  eius  eluserint.  Tamen  ad  poenitentiam  vocando  spem  quoque  proponunt  veniae  impetrandae.  Hoc  quum  omnibus  fere  prophetis  commune  est,  tum  luculentius  ex  Ieremiae  lectione  patebit.  Nec  vero  frustra  Deus  in  lege  sacrificia,  nunc  totius  populi,  nunc  privati  cuiuslibet  nomine,  quotidie  repeti  voluit,  tam  pro  ignorantiis  quam  pro  voluntariis  delictis.  Nisi  enim  parata  fuisset  expiatio  peccatoribus  qui  saepius  lapsi  erant,  non  fatigasset  eos  inanibus  figuris.  Adde,  quod  Deum  hypocritis  et  praefractis  exoratum  fuisse  ut  ignosceret,  ex  Psalmo  78  colligitur.  Iam  ubi  cum  suo  evangelio  illuxit  Christus,  non  semel  atque  iterum  duntaxat  propitium  fore  Deum  promisit  si  offensus  esset,  verum  toto  vitae  curriculo  suos  ad  deprecationem  confugere  iussit.  Si  non  frustra  3161.  1)  N.  3153.