16:13  13  1556  IANUAR.  U  nibus  se  privasse:  postquam  antem  tot  mundi  illecebris  vale  dixit,  nostra  tenuitate  9)  contentum,  frugalem  ae  popularem  vivendi  rationem  non  secus  colere  atque  unumquemlibet  ex  nobis.  Quanquam  haec  aliis  ita  recito  ut  privatum  quoque  usum  minime  praeteream.  Nam  si  tuas  virtutes  hic  tanquam  in  speculo  lectorum  oculis  ideo  subiicio,  ut  se  ad  earum  imitationem  forment:  me,  cui  propius  sunt  perspectae,  quotidiano  et  liquido  earum  intuitu  non  magis  ad  vivum  affici  turpe  esset.  Caeterum  quia  et  ego  quantum  ad  fidei  meae  pietatisque  confirmationem  valeat  tuum  exemplum  experior,  et  non  vulgarem  inde  se  profectum  sensisse  mecum  fatentur  quotquot  hic  agunt  filii  Dei:  operae  pretium  fore  duxi  j  si  mea  praedicatione  similis  longius  manaret  utilitas.  Alioqui  insulsum  foret  de  laudibus  hominis,  cuius  natura  et  ingenio  nihil  magis  ab  ostentatione  remotum  fingi  potest,  etiam  apud  exteros  et  procul  dissitos  verba  facere.  Itaque  si  complures,  quibus  propter  longinquitatem  hactenus  fuisti  ignotus,  hoc  admirabili  documento  proposito,  relictis  nidis  quibus  nimium  sunt  affixi,  ad  imitationem  se  accingent,  uberem  meae  scriptionis  fructum  adeptus  ero.  Id  quidem  inter  Christianos  plus  quam  commune  usitatumque  esse  debuerat,  non  praedia  modo  et  arces  et  principatus  aequo  animo  relinquere,  ubi  aliter  Christum  sequi  non  licet:  sed  etiam  alacriter  libenterque  prae  ipso  despicere  quidquid  sub  coelis  pretiosissimum  ducitur.  Sed,  quae  nostra  omnium  tarditas  est  vel  potius  socordia,  dum  frigide  multi  evangelii  doctrinae  annuunt,  vix  centesimus  quisque  eius  causa,  si  praediolum  nescio  quod  possideat,  ab  ipso  avelli  se  sustinet:  vix  quisquam  nisi  aegerrime,  ut  minimis  commodis  renunciet,  adducitur:  tantum  abest  ut  se  vita  abdicare  parati  sint,  ut  decebat.  Inprimis  vero  cunctos  in  sui  abnegatione  (quod  est  virtutum  omnium  caput)  optarim  tui  esse  similes.  Mihi  enim  optimus  testis  es,  et  ego  vicissim  tibi,  quam  parum  nos  oblectat  eorum  consuetudo,  qui  tandem  ostendunt,  relicta  patria,  eosdem  quos  illic  gerebant  affectus  huc  se  attulisse.  Sed  quia  lectores  plura  secum  reputare  praestat  quam  verbis  exprimam,  iam  me  ad  preces  converto,  ut  Deus  qui  te  mirifica  spiritus  sui  virtute  huc  usque  animavit,  invicta  constantia  ad  extremum  usque  instruat.  Nam  et  quantis  certaminibus  te  exercuerit  Deus  me  non  latet,  ex  quibus  pro  tua  singulari  prudentia  colligis,  duram  adhuc  et  laboriosam  militiam  tibi  restare.  Quam  vero  necesse  sit  manum  a  coelo  nobis  porrigi,  ipse  multis  experimentis  edoctus,  perseverantiae  donum  ultro  mecum  inde  exposees.  Ego  vero  Christum  regem  nostrum,  cui  a  patre  data  est  summa  potestas,  et  penes  quem  depositi  sunt  omnes  spiritualium  bonorum  thesauri,  precabor  ut  9)  Be  re  familiari  eius  cf.  Heyerum  p  .  l  l  .