14:13  13  1551  IANUAR.  14  Eximio  Christi  servo  Ioanni  Calvino.  Genevae.  8.  Paulus  Comes  scriba  Gallus  *)  qui  apud  nos  agit  rogavit  me  ut  tibi  commendarem  sororis  suae  uxoris  causam,  quae  nupsit  Nicolao  Thiebeleio  qui  apud  vos  agit.  Parum  convenit  inter  maritum  et  uxorem,  fortasse  utriusque  culpa.  Audivit  uxorem  nuper  a  marito  aufugisse.  Suspicatur  Paulus  maritum  severiorem  et  rigidiorem  quam  iuveni  mulierculae  conveniat.  Admonebis  igitur  hominem  officii,  quoad  quidem  tibi  causa  utriusque  postulare  videbitur.  D  e  rebus  nostris  audi  pauca.  Proposui  in  proximo  fratrum  conventu  quod  ad  te  scripseram  de  Bernensium  edicto.2)  Electi  eramus  ego  et  Bern  ut  Bernam  hanc  acturi  causam  proficisceremur.  Dum  nos  ad  hanc  legationem  apparamus,  redit  Stephanus  Longovillanus  3)  Berna,  qui  renunciat  id  iam  erasum  esse  quod  nos  urebat:  se  vidisse  exemplaria  gallica  duo,  in  suorum  altero  id  quidem  scriptum  esset,  sed  obductum  litura,  in  altero  penitus  omissum.  Paulo  post  redditae  sunt  mihi  Ealleri  literae  4)  quae  hoc  ipsum  magis  confirmarunt.  Eas  ad  te  mitto  ut  ex  iis  intelligas  quid  ipse  sentiat,  excusetque  in  hac  tota  re,  et  de  sublatis  apud  vos  feriis  quid  scribat.  Scribis  te  inconsulto  factum.  Ergo  non  parum  peccatum  est  a  vestris  hominibus,  quod  de  negotiis  religionis  statuant  vobis  inconsultis:  quae  res  est  exempli  non  boni.  Scis  quid  a  nostris  hac  in  parte  requirere  soleamus.  Quanquam  non  ignoras  quid  ego  de  toto  hoc  negotio  sentiam,  tamen  meo  consilio  id  non  ita  factum  fuisset  multas  ob  causas.  Nosti  quibuscum  ingeniis  nobis  luctandum  est.  Mitto  et  Zerhintae  literas,  quibus  cognosces  quam  sit  perturbatus  bonus  vir  iis  quae  nunciat.o)  Accepi  eodem  die  alias  a  Sultzero  eiusdem  paene  argumenti,  quas  etiam  ad  te  mitto.  Eas  ubi  perlegeris  remitte  omnes.  Nostri  te  omnes  salvum  cupiunt  cum  tuis  svmmystis  et  amicis  omnibus,  quibus  meo  nomine  salutem  nunciabis.  Salutat  te  uxor  officiosissime,  et  filiolae.  Tale.  Lausannae  10.  lan.  1551.  Tuus  Petrus  Viretus.  1433.1)  Bernatium  publicus  apud  Lausannenses  secretarius,  vir  alias  ignotus,  sicut  et  eius  affinis^  cuius  nomen  ipsum  corruptum  videtur  (TMebauU?).  2)  circa  poenam  crucis  exosculanda^.  3)  In  Aurelianensium  ducum  familias  quae  et  comitatum  Neocomensem  possidebat,  nullum  huius  nominis  recenset  Art  de  verifier  les  dates  ed.  1818  T.  16.  4)  deperditae.  5)  Haec  ad  aliud  negotium  referri  debere  videntur.  Zerkintae  nomen  in  apographis  misere  corruptum.