10.1:13  ORDONNANCES.  la  parolle  de  Dieu  que  nous  voyons  en  la  plus  part  et  la  negligence  des  parens  a  instruire  leurs  enfans  en  la  voye  de  Dieu,  dont  on  voyt  vne  merueilleuse  rudesse  et  jgnorance  en  beaucoup,  laquelle  nest  aulcunement  tollerable  en  lesglise  de  Dieu.  Lordre  que  nous  auons  aduise  de  y  mettre,  cest  quil  y  aye  vne  briefue  somme  et  facile  de  la  foy  crestienne,  laquelle  soyt  apprinse  a  tous  les  enfans  et  que  certaynes  fassons  de  lannee  ils  viennent  par  deuant  les  ministres  pour  estre  jnterroguez  et  examinez  et  recepuoyr  plus  ample  declaration  selon  quil  sera  besoing  a  la  capacite  dung  chacun  deux,  jusques  a  ce  quon  les  aye  approuez  estre  suffisamment  jnstruicts.  Mays  que  vostre  playsir  soyt  fere  commandement  aux  parens  de  mettre  payne  et  diligence  que  leurs  enfans  apprennent  jcelle  somme  et  quil  se  presentent  aux  ministres  aux  temps  quil  sera  dict.  Finablement  pour  ce  que  le  1)  a  tant  brouille  les  causes  de  mariage  en  faysant  degrez  a  son  playsir,  determinant  des  diuerses  jniquemant  et  contre  toute  rayson,  que  jl  est  requis  et  necessayre  de  vuyder  les  controuerses  qui  en  sont  ensuyuies  bien  souuant  par  la  parolle  de  Dieu,  nous  auons  delibere  vous  supplier  pour  auoyr  la  chose  plus  certayne,  que  vous  donniez  la  charge  et  commission  a  certaynes  personnes  de  vostre  compagnie  de  juger  et  decider  toutes  causes  qui  en  viendront  en  auant,  adjoingnant  auecq  eux  quelques  ministres  pour  les  mieux  jnformer  de  ce  qui  sera  de  fere  selon  la  pa-  1)  Ici  encore,  comme  plus  haut,  ie  manuscrit  a  laisse  un  mot  en  blanc,  probablement  ;  pape.