9:129  129  CONTRE  ANT.  CATHELAN.  130  esgard  tant  a  la  necessite  qu'a  la  vertu  des  personnes.  Et  s'il  me  produit  le  soleil,  ie  luy  replique  ce  qui  est  dit  au  Pseaulme  31  (v.  19),  Que  Dieu  tient  la  grande  multitude  de  ses  biens  cachee  a  ceux  qui  le  craignent.  Et  ce  n'est  pas  raison  que  nous  vueillons  estre  plus  sages  dispensateurs  que  luy.  Mais  ie  voy  ce  qui  pousse  Cathelan.  Car  il  luy  fait  mal  de  n'avoir  trouve  bourse  ouverte  pour  le  nourrir  en  sa  quaimanderie.  *)  Mais  qu'y  feroyie?  Faut-il  que  pour  avoir  esconduit  un  belistre,  voire  affronteur  et  ruffien  notoire,  le  soleil  soit  appelle  du  ciel  en  tesmoin?  Son  second  article  est  de  la  chastete,  ou  il  se  fasche  que  i'enseigne  que  c'est  tenter  Dieu  de  promettre  chastete.  En  quoy  il  s'abuse  :  car  chastete  doit  estre  en  tous  fideles.  Mais  le  voeu  de  ne  se  point  marier  est  la  rebellion  contre  Dieu,  que  ie  condamne.  Il  adiouste,  que  pour  confermer  mon  dire,  ie  fay  bouclier  des  prestres  grecs:  en  quoy  il  monstre  que  iamais  il  ne  leut  rien  de  ce  que  i'en  ay  escrit  :  et  ce  qu'il  a  ouy  avoir  este  amene  par  quelque  autre,  il  le  descharge  sur  moy  a  l'estourdie.  Mais  encore  ne  le  fait-il  pas  sans  finesse,  quelque  badaud  qu'il  soit  :  car  se  voyant  desnue  de  response,  il  a  cerche  d'eschapper  a  travers  des  marets.2)  Et  de  faict,  il  luy  suffit  d'avoir  recite  mon  dire,  sans  monstrer  si  i'enseigne  bien  ou  mal.  C'est  bien  combatre  sans  coup  ferir:  et  toutesfois  la  dessus  il  a  tout  gagne.  Pay  dit  que  c'est  temerite  a  l'homme  mortel  de  vouer  continence  a  iamais.  Pourquoy?  Car  nostre  Seigneur  Iesus  et  sainct  Paul  declarent  que  c'est  un  don  special,  et  dont  tous  ne  peuvent  iouir  (Matth.  19,  9;  1  Cor.  7,  7  ss.).  Messire  Antoine  laisse  couler  ce  propos,  et  a  l'opposite  ameine  que  selon  sainct  Paul,  celuy  qui  demeure  vierge  fait  encore  mieux  que  celuy  qui  se  marie.  Voire,  quand  il  luy  sera  donne.  Mais  appliquant  cela  indifferemment  a  tous,  c'est  bien  contre  l'intention  de  F  Apostre:  lequel  protestant  de  ne  vouloir  mettre  lien  sur  les  fideles,  commande,  pour  eviter  paillardise,  que  chacun  ait  son  parti:  exhorte  chacun  de  lien  regarder  sa  mesure  et  ce  qu'il  peut,  voulant  que  chacun  soit  laisse  en  sa  liberte.  Voyla  le  voeu  de  continence  bien  defendu  par  messire  Antoine.  Vray  est  qu'il  adiouste  encore  un  mensonge  nouveau  contre  moy,  mais  de  si  belle  couleur,  qu'il  n'est  ia  besoin  que  ie  m'en  lave.  Il  dit  que  ie  tien  en  mon  secret  tous  Moynes  et  Nonnains  qui  se  sont  ici  mariez,  pour  paillards:  et  en  appelle  en  tesmoins  mes  oeuvres,  mes  domestiques  et  ceux  qui  me  prattiquent.  Quant  a  mes  oeuvres  ou  livres,  A  se  couppe  la  gorge  confessant  que  la  i'approuve  tels  mariages.  1)  mendicitas.  2)  aquam  sibi  haerere  sentiens  per  paludes  fuga  sibi  consulere  conatur.  Calvini  opera.  Vol  IX.