6:129  CATECHISMUS  GENEVENSIS.  L  ENFANT.  Non.  Mais  aucontraire,  pour  avoir  la  verite  du  Sacrement,  il  nous  faut  eslever  noz  cueurs  en  haut  au  Ciel,  ou  est  Iesus  Christ  en  la  gloire  de  son  Pere,  et  dont  nous  l'attendons  en  nostre  redemption:  et  non  pas  le  chercher  en  ces  elemens  corruptibles.  LE  MINISTRE.  Tu  entens  donc  qu'il  y  a  deux  choses  en  ce  Sacrement:  le  pain  materiel,  et  le  vin  que  nous  voyons  a  l'oeil,  touchons  a  la  [fol.  66]  main,  et  savourons  au  goust:  et  Iesus  Christ,  dont  noz  ames  sont  interieurement  nourries.  L'ENFANT.  Voire.  En  telle  sorte  neantmoins  que  nous  y  avons  mesme  tesmoignage,  et  comme  une  arrel)  de  la  resurrection  de  noz  corps:  entant  qu'ilz  sont  faictz  participans  du  signe  de  vie.  LE  MINISTRE.2)  Quel  en  doit  estre  l'usage?  L'ENFANT.  Tel  que  dit  sainct  Paul.  C'est  que  l'homme  s'esprouve  soymesme  devant  qu'en  approcher  (1  Cor.  11,  28).  LE  MINISTRE.  En  quoy  se  doit-il  esprouver?  L'ENFANT.  Assavoir,  s'il  est  vray  membre  de  Iesus  Christ.  LE  MINISTRE.  Par  quelz  signes  le  pourra  il  congnoistre?  L'ENFANT.  S'il  a  vraye  Foy  et  repentance:  et  s'il  aime  ses  prochains  en  vraye  charite,  et  n'est  point  entache  de  haine  ne  rancune,  ne  division.  LE  MINISTRE.  Mais  est  il  requis3)  d'avoir  Foy  et  charite  parfaicte?  L'ENFANT.  .  II  faut  bien  que  l'une  et  l'autre  soit  entiere,  et  non  feincte.  Mais  d'avoir  une  telle  perfection,  a  laquelle  il  n'y  ait  que  redire,  cela  ne  se  trouvera  pas  entre  les  hommes.  Aussi  la  Cene  seroit  instituee  en  vain,  si  nul  n'estoit  capable  de  la  recevoir,  sinon  qu'il  fust  du  tout  parfaict.  LE  MINISTRE.  L'imperfection  donc  ne  nous  empesche  point  d'en  approcher.  L'ENFANT.  Mais  au  contraire,  elle  ne  nous  serviroit  de