58:129  129  DE  IACOB  ET  ESAU.  130  le  priant  qu'il  lui  plaise  nous  les  faire  tellement  sentir,  que  ce  soit  pour  nous  y  desplaire:  et  que  nous  apprenions  de  plus  en  plus  a  nous  conformer  a  sa  saincte  volonte,  renoncans  a  nous  mesmes.  Et  lui  plaise  nous  supporter  tellement  en  nos  foiblesses  et  en  nos  vices,  que  ce  ne  soit  pas  pour  nous  y  nourrir:  mais  qu'il  nous  en  purge  de  plus  en  plus,  iusques  a  ce  qu'il  nous  ait  despouillez  de  toutes  nos  affections  charnelles,  et  que  nous  soyons  revestus  de  toutes  affections  de  son  sainct  Esprit:  afin  que  nous  conversions  tellement  avec  les  hommes,  qu'encores  que  nous  ayons  dequoy  nous  eslever,  nous  ne  laissions  pas  d'estre  petis  et  humbles.  Et  quand  nous  serons  opprimez,  que  nous  ne  laissions  pas  d'estre  magnanimes,  pour  nous  rendre  tousiours  a  celui  qui  nous  peut  subvenir.  Que  non  seulement  il  nous  face  ceste  grace,  mais  aussi  a  tous  peuples  et  nations  de  Ia  terre,  etc.  NEUFIEME  SERMON.  Genese,  chap.  XXVI.  23.  Isaac  monta  de  la  en  Berseba.  24.  Et  le  Seigneur  luy  apparut  en  ceste  nuit-la,  et  luy  dit,  Ie  suis  Ie  Dieu  d'Abraham  ton  pere:  ne  crains  point,  car  ie  suis  avec  toy.  Ie  te  beniray,  et  multiplieray  ta  semence,  a  cause  d'Abraham  mon  serviteur.  25.  Et  il  dressa  un  autel,  et  invoqua  ce  Nom  du  Seigneur:  et  tendit  la  son  pavillon.  Et  les  serviteurs  d'Isaac  fouyrent  la  un  puits.  Nous  vismes  hier  qu'Isaac,  en  tesmoignage  qu'il  avoit  senti  qu'en  la  fin  Dieu  l'avoit  secouru,  avoit  appele  le  puits  duquel  il  iouissoit  paisiblement,  Largesses.  Or  par  ce  que  Moise  aiouste,  il  appert  que  ceste  ioye  ne  lui  a  pas  beaucoup  dure:  car  il  dit  qu'il  s'est  retire  en  Berseba,  au  lieu  ou  son  pere  Abraham  avoit  habite.  Nous  savons  que  s'il  n'eust  este  contraint,  il  ne  se  fust  bouge  de  la  ou  il  avoit  quelque  commodite:  car  il  n'y  a  point  eu  de  legerete  en  lui,  telle  qu'il  ne  demandast  qu'a  trotter  ca  et  la:  mais  la  necessite  l'y  contraint.  Nous  avons  donc  a  retenir,  que  tousiours  Dieu  Ta  voulu  exercer,  et  qu'il  ne  s'est  point  contente  qu'il  habitast  au  pais  de  Chanaan  comme  estranger,  sans  avoir  un  pie  de  terre  en  possession:  mais  qu'encore  il  l'a  pourmene,  comme  nous  avons  veu  ce  mot  ci  dessus.  Enquoy  nous  sommes  enseignez  d'estre  tousiours  comme  oyseaux  sur  la  branche,  ainsi  qu'on  dit.  Et  si  Dieu  nous  supporte  iusque  la,  pour  nostre  infirmite,  que  nous  puissions  habiter  en  un  certain  lieu,  et  y  avoir  repos:  si  est-ce  qu'il  ne  faut  point  que  nous  y  croupissions,  comme  si  c'estoit  la  nostre  nid  asseure:  mais  apprenons  d'estre  muables  en  cest  endroit,  comme  S.  Paul  aussi  use  de  ce  mot.  Car  combien  que  les  Chrestiens  doivent  avoir  une  fermete  si  grande,  que  parmi  tous  orages  et  tempestes  ils  ne  changent  nullement,  et  ne  varient:  toutesfois  quant  est  de  leur  habitation,  il  Calvini  opera.  Vol  LVIII.