56:129  129  EXODE.  130  donc  sera  l'oblation  a  l'Eternel.  14  Tous  ceux  qui  passeront  par  le  conte��  depuis  vingt  ans  et  au  dessus,  donneront  telle  oblation  a  l'Eternel.  15.  Le  riche  n'augmentera  rien,  et  le  povre  ne  diminuera  rien  du  demi  sicle,  quand  ils  donneront  l'oblation  a  l'Eternel  pour  la  redemption  de  leurs  personnes.  16.  Tu  prendras  doncques  l'argent  des  enfans  d'Israel,  l'argent  de  la  reconciliation,  et  Pappliqueras  au  service  du  tabernacle  de  convenance,  lequel  sera  pour  memoire  aux  enfans  d'Israel  devant  l'Eternel  pour  la  redemption  de  leurs  personnes.  17.  L'Eternel  parla  a  Moyse,  disant,  18.  Fay  aussi  un  cuvier  d'airain,  et  son  soubassement  d'airain  pour  laver,  lequel  tu  mettras  entre  le  tabernacle  de  convenance  et  l'autel,  et  mettras  de  l'eau  dedans.  19.  Et  Aaron  et  ses  fils  y  laveront  leurs  mains  et  leurs  pieds.  20.  Quand  ils  entreront  au  tabernacle  de  convenance  ils  se  laveront  d'eau,  afin  qu'ils  ne  meurent,  ou  quand  ils  approcheront  de  l'autel  pour  ministrer,  afin  de  faire  fumer  l'oblation  bruslee  a  l'Eternel.  21.  Ils  laveront  leurs  pieds  et  leurs  mains,  afin  de  ne  point  mourir:  ce  leur  sera  une  ordonnance  perpetuelle  tant  a,  luy  qu'a  sa  posterite  en  leurs  aages.  22.  L'Eternel  parla  a  Moyse,  disant,  23.  Tu  prendras  des  choses  aromatiques  les  plus  exquises:  de  la  franche  mirrhe  a  cinq  cens  sicles:  de  la  cinnamome  odoriferante  a  la  moitie,  assavoir  deux  cens  cinquante  :  et  du  roseau  aromatique  deux  cens  cinquante.  24.  De  casia  cinquante  sicles,  au  poids  du  Sanctuaire:  et  une  mesure  de  hin  d'huile  d'olive.  25.  Et  en  feras  de  l'huile  pour  l'onction  saincte,  en  oignement  confit  par  art  d'apothicaire  :  ce  sera  l'huile  de  sainctete.  26.  Tu  en  oindras  le  tabernacle  de  convenance,  et  l'Arche  du  tesmoignage.  27.  La  table  avec  tous  ses  vaisseaux,  le  chandelier  avec  les  utensiles  d'iceluy,  et  l'autel  de  perfumigation:  28.  L'autel  aussi  des  holocaustes  et  tous  ses  vaisseaux,  le  cuveau  avec  son  soubassement.  29.  Tu  les  sanctifieras,  et  ils  seront  sainctete  tressaincte:  tout  ce  qui  les  attouchera  sera  sanctifie.  30.  Tu  oindras  aussi  Aaron  et  ses  fils,  et  les  sanctifieras,  pour  me  servir  en  la  sacrificature.  31.  D'avantage  tu  parleras  aux  enfans  d'Israel,  disant,  Ceste  huile  de  saincte  onction  me  sera  gardee  en  vos  aages.  32.  On  n'en  oindra  nulle  chair  d'homme,  et  ne  ferez  point  de  composition  semblable  a  icelle  :  car  elle  est  saincte,  elle  vous  sera  doncques  saincte.  33.  Quiconque  composera  oignement  semblable,  et  qui  mettra  d'iceluy  sur  un  estranger,  sera  extermine  de  son  peuple.  34.  Item  l'Eternel  dit  a  Moyse,  Pren  des  choses  aromatiques  de  Stacte,  Onyche,  Galbanum  odoriferant,  et  de  l'encens  pur:  le  tout  en  poids  egal.  35.  Et  en  feras  perfumigation  aromatique  selon  l'art  d'apothicaire,  mixtionne,  pour  estre  pur  et  sainct.  36.  Et  quand  tu  l'auras  moulu  bien  delie:  tu  en  mettras  au  tabernacle  de  con-  Calvini  opera,  Vol.  LVI.