52:129  129  CAPUT  IV.  130  respondere.  7.  Res  meas  omnes  patefaciet  vobis  Tychir  cus,  dilectus  frater  et  fidelis  minister  ac  conservus  in  Domino  j  8.  quem  misi  ad  vos  hac  de  causa,  ut  sciretis  statum  meum:  et  consolaretur  corda  vestra:  9.  cum  Onesimo  fideli  et  dilecto  fratre,  qui  est  ex  vobis:  Omnia  patefient  vobis  quae  hic  sunt.  5.  Sapienter  ambulate.  Extraneos  opponit  domesticis  fidei.  Civitatis  enim  instar  est  ecclesia,  cuius  incolae  sunt  omnes  fideles,  mutua  propinquitate  inter  se  coniuncti:  alieni  autem  sunt  infideles.  Sed  cur  Paulus  istos  prae  fidelibus  vult  respici?  Tres  sunt  causae.  Primum  ne  ponatur  caecis  offendiculum.  Quia  nihil  magis  proclive  quam  incredulos  nostra  imprudentia  in  deterius  impelli,  ac  vulnerari  eorum  animos,  ut  magis  ac  magis  a  religione  abhorreant.  Deinde  ne  illis  praebeatur  materia  obtrectandi  evangelio,  atque  ita  prostituatur  ludibrio  Christi  nomen,  infestiores  reddantur,  excitentur  turbae  et  persequutiones.  Postremo  ne,  dum  illis  sumus  permisti  in  convictu  et  aliis  negotiis,  inquinemur  eorum  sordibus,  ac  sensim  profanescamus.  Quo  pertinet  etiam  quod  sequitur,  redimentes  tempus.  Quia  videlicet  eorum  conversatio  sit  periculosa.  Nam  ad  Ephesios  (5,  16)  rationem  assignat,  Quia  dies  mali  sunt.  Ac  si  diceret:  In  tanta  saeculi  corruptela  eripiendam  esse  benefaciendi  occasionem,  et  cum  obstaculis  luctandum.  Quo  itaque  pluribus  scandalis  obsepta  est  via  nostra,  eo  intentius  cavendum  est  ne  pedes  nostri  impingant,  vel  per  ignaviam  cessemus.  6.  Sermo  vester.  Requirit  sermonis  suavitatem  quae  sua  utilitate  alliciat  auditores.  Neque  enim  sermones  tantum  palam  improbos  aut  impios  damnat,  sed  etiam  nihili  et  otiosos.  Ideo  sale  conditos  esse  iubet.  Habent  suos  sales  profani  homines,  sed  de  illis  non  loquitur:  imo  quia  plausibiles  sunt,  ac  favorem  ut  plurimum  conciliant  facetiae,  ab  earum  usu  et  consuetudine  oblique  arcet  fideles.  Insulsum  enim  ducit  quidquid  non  aedificat.  Eodem  sensu  ponitur  nomen  g  r  a  t  i  a  e  :  ut  contrarium  sit  dicacitati,  loedoriis,  et  quibuslibet  nugis  quae  vel  laedunt,  vel  evanescunt.  Ut  sciatis  quomodo.  Qui  se  assuefecit  circumspectis  sermonibus,  non  incidet  in  multas  absurditates,  in  quas  subinde  labuntur  homines  loquaces  et  garruli:  sed  continuo  usu  acquiret  sibi  recte  et  apposite  respondendi  peritiam.  Quemadmodum  rursus  necesse  est  ut  futiles  homines  ridendos  se  propinent,  quoties  de  re  aliqua  interrogantur.  Qua  in  re  iustas  poenas  luunt  ineptae  suae  loquacitatis.  Nec  dicit  tantum  quid,  sed  etiam  quomodo:  nec  omnibus  indifferenter,  sed  unicuique.  Nam  haec  pars  est  non  ultima  prudentiae,  singulorum  haberet  respectum.  7.  Res  meas.  Ut  sciant  Colossenses  quantam  habeat  ipsorum  curam,  quasi  dato  pignore  eo6  confirmat.  Nam  quum  esset  in  carcere  et  de  vita  Calvini  opera.  Vol.  Lll.