51:129  129  SUR  L'EPITRE  AUX  GALATES.  130  de  Dieu  est  en  foy  et  en  nouveaute  de  vie  :  aussi  la  foy  emporte  que  nous  facions  hommage  a  Dieu  de  tous  ses  biens,  que  nous  ayons  nostre  recours  a  luy,  que  nous  preschions  ses  louanges,  que  son  sainct  nom  soit  invoque  au  milieu  de  nous:  voila  comme  nous  serons  avancez  pour  estre  le  temple  de  Dieu.  Et  puis  d'autre  coste  ii  faut  aussi  que  nous  soyons  renouvelez  en  nostre  vie,  et  que  par  patience  nous  apprenions  de  renoncer  a  nous-mesmes  et  nous  dedier  a  Dieu.  Voila  que  doivent  procurer  tous  ceux  qui  ont  la  charge  d'enseigner.  Ceux  donc  qui  ne  pretendent  point  la,  monstrent  assez  que  leur  intention  n'est  pas  de  servir  a  nostre  Seigneur  Iesus  Christ.  Ainsi  sainct  Paul  declare  qu'il  n'y  a  que  la  nouvelle  creature  qui  vaille  en  Iesus  Christ  :  c'est  a  dire  qu'il  nous  faut  venir  la,  comme  nous  avons  veu  par  ci-devant  en  la  seconde  des  Corinthiens,  qu'il  disoit  que  quiconques  veut  estre  estime  en  Iesus  Christ,  soit  nouvelle  creature.  Car  si  l'un  se  vante  d'estre  bien  eloquent,  l'autre  d'estre  bien  subtil,  l'autre  d'estre  un  grand  clerc,  l'autre  d'avoir  belle  facon  :  tout  cela  n'est  que  vanite.  Apprenons  donc  de  nous  quitter  du  tout,  et  de  quitter  ce  monde,  et  d'estre  dediez  a  celuy  qui  nous  a  rachetez,  a  fin  que  nous  ne  soyons  plus  libres:  car  c'est  bien  raison  que  Iesus  Christ,  qui  nous  a  rachetez  si  cherement,  nous  possede  et  qu'il  iouisse  pleinement  de  nous.  Or  cela  ne  se  peut  faire,  sinon  que  chacun  renonce  a  soy,  efc  que  nous  renoncions  a  tout  ce  qui  nous  peut  detenir  entre  les  hommes.  Voila  ce  que  nous  avons  a  observer.  Or  sainct  Paul  parle  de  la  Circoncision  et  du  prepuce,  d'autant  que  la  dispute  et  le  combat  qu'il  avoit  (ainsi  que  nous  avons  veu  par  ci-devant)  estoit  touchant  des  ceremonies  de  la  Loy,  lesquelles  il  comprend  ici  sous  l'espece  de  la  Circoncision  :  car  les  Iuifs  vouloyent  qu'on  retinst  tous  ces  ombrages  et  figures  qui  n'avoyent  este  que  pour  un  temps.  Et  ainsi  sainct  Paul  se  moquant  de  tout  cela,  dit  que  nostre  Seigneur  Iesus  Christ  est  venu,  non  point  pour  nous  entretenir  en  ces  figures  anciennes:  mais  d'autant  que  le  voile  du  temple  a  este  rompu,  et  d'autant  qu'il  a  en  soy  le  corps  et  la  substance  de  toutes  les  ombres  qui  ont  este  sous  la  Loy,  qu'il  faut  qu'on  se  contente  de  luy  et  pourtant  que  la  Circoncision  n'estoit  plus  rien.  Nous  ferons  mieux  nostre  profit  de  ce  passage  l'appliquant  a  ce  que  nous  voyons  auiourd'huy:  car  en  la  Papaute  ils  ont  beaucoup  de  menus  fratras  ou  ils  mettent  toute  fiance  de  sainctete.  Et  quand  on  demandera  aux  Papistes  comment  ils  peuvent  meriter  grace  envers  Dieu  et  acquerir  remission  de  leurs  pechez,,  comme  ils  s'en  vantent,  ils  auront  leur  eau  benite,  ils  auront  leurs  luminaires,  ils  auront  leurs  perfums,  ils  auront  leurs  orgues  et  chantreries,  ils  auront  ceci  et  cela,  leurs  pelerinages:  ils  auront  apres  leurs  Calvini  opera.  Vol.  LL