27:129  129  SUR  LE  DEUTER.  CHAP.  XL  130  toau  sur  la  gorge  de  ses  enfans,  que  nul  n'eust  ose  lever  un  petit  doigt  a  l'encontre  d'eux:  quand  ils  cuident  avoir  tout  gagne,  on  voit  comme  ils  sont  abbatus  et  descouragez,  ils  sont  en  crainte  et  perplexite,  ils  sont  tellement  estonnez,  qu'ils  ne  savent  que  faire,  ne  que  devenir.  Il  est  vray  qu'ils  ont  bien  les  moyens  en  main  (comme  nous  avons  dit)  ils  ont  leurs  prattiques,  et  leurs  menees,  qu'on  voit  qu'il  n'y  a  iamais  eu  droicture  ni  loyaute  en  eux:  mais  quoy  qu'il  en  soit,  si  est-ce  que  les  voila  estonnez,  et  se  regardent  les  uns  les  autres,  et  sont  tellement  effrayez  qu'ils  ne  savent  rien  faire.  En  cela  voyons-nous  que  nostre  Seigneur  non  seulement  leur  tenoit  les  mains  liees:  mais  qu'il  leur  a  oste  le  courage,  qu'il  les  a  desproveus  de  conseil  et  de  raison,  qu'ils  ont  este  hebetez  en  telle  sorte  qu'il  y  a  eu  moins  de  iugement  en  eux  que  en  des  petits  enfans,  ou  en  des  bestes  mesmes.  Voila  donc  une  belle  approbation  de  ce  qui  est  ici  promis:  que  si  nous  faisions  a  Dieu  l'honneur  qui  luy  appartient,  nous  serions  plus  arrestez  en  sa  protection,  pour  cheminer  tousiours,  voire  en  nous  gardant  de  nous  fourvoyer.  Or  advisons  bien  a  ce  que  i'ay  dit,  que  ceux  qui  s'esgarent  ainsi,  et  qui  se  desbauchent,  qu'ils  n'ont  plus  la  garde  que  nostre  Seigneur  leur  avoit  promise  :  car  a  leur  escient  ils  s'en  vont  ietter  comme  en  proye.  C'est  donc  bien  raison  que  Dieu  les  delaisse,  et  qu'ils  se  sentent  la  prins  au  desproveu.  Mais  si  nous  cheminons  en  humilite,  et  que  nous  demandions  d'estre  tousiours  conduits  de  la  main  de  nostre  Dieu:  mettons  hardiment  nostre  fiance  en  luy,  et  nous  serons  tousiours  maintenus:  combien  que  les  hommes  ayent  la  gueule  ouverte  comme  des  lions,  combien  que  nous  n'ayons  pas  dequoy  leur  resister,  si  est-ce  que  Dieu  sera  suffisant  pour  les  repousser.  Nous  aurons  a  batailler,  mais  au  milieu  du  combat  nous  serons  soustenus,  ainsi  que  Dieu  l'a  promis:  et  cela  nous  sera  une  forteresse  invincible.  C'est  ce  que  nous  avons  a  retenir  de  ce  passage.  Et  mesmes  notamment  Moyse  dit  :  Gens  qui  sont  plus  forts  que  vous,  et  plus  robustes:  afin  que  nous  ne  facions  point  comparaison  de  ce  qui  nous  est  apparent,  pour  conclurre  que  Dieu  nous  aidera,  s'il  y  a  quelque  moyen  naturel,  s'il  y  a  entree  humaine.  Non,  il  n'en  faut  point  la��  venir:  mais  cognoissons  qu'il  a  une  puissance  infinie.  Nous  luy  faisons  donc  grande  iniure,  quand  nous  restraignons  sa  vertu  ace  que  nos  sens  peuvent  apprehender:  mais  quand  nos  ennemis  seront  beaucoup  plus  forts  et  robustes  que  nous,  quand  il  semblera  que  desia  nous  soyons  prests  d'estre  foullez  a  leurs  pieds,  cognoissons  que  c'est  alors  que  Dieu  monstrera  sa  vertu  pour  nous  secourir.  Et  ainsi,  marchons  hardiment,  voire  moyennant  qu'il  n'y  ait  nulle  presomption  en  nous,  et  qu'aussi  nous  ne  soyons  point  rebelles  Calvini  opera.  Vol  XXVII.