21:129  129  VITA  CALVINI.  130  sed  etiam  ex  senatus  consensu  Gallicam  ecclesiam,  constituta  etiam  ecclesiastica  disciplina,  plantavit.  Sic  exspectatione  sua  frustratus  Satan  pro  Genevensi  ecclesia  Calvinum  alibi  exceptum  et  aliam  mox  alibi  natam  ecclesiam  conspexit:  nihilo  interea  segnius  laborans,  ut  aedificium  Genevense  prorsus  concussum  penitus  everteret.  Itaque  mox  reperit  male  feriatos  nonnullos  qui,  ut  pietatis  nescio  cuius  obtentu  iniquissimum  illud  decretum  tegerent,  panem  communem,  quo  antea  in  coena  utebantur,  in  azymum  censerent  converti  oportere,  scilicet  ut  novis  dissidiis  ansam  praeberent.  Neque  hoc  consilium  Satanam  fefellisset,  nisi  Calvinus  bonos  nonnullos  ista  mutatione  usque  adeo  offensos,  ut  etiam  a  coena  sibi  abstinendum  putarent,  serio  monuisset,  ne  ob  istud  aoiayoQov  litem  moverent.  Sic  obtinuit  panis  azymi  usus:  de  quo  etiam  postea  restitutus  Calvinus  nunquam  contendendum  putavit,  minime  tamen  dissimulans,  quid  alioqui  magis  esset  probaturus.  At  ecce  longe  mox  aliud  periculosius  malum  anno  videlicet  MDXXXIX.  exortum,  simulque  Calvini  diligentia  exstinctum.  Erat  tum  episcopus  Carpentoratensis  Iacobus  Sadoletus  magna  eloquentia  homo,  sed  qua  inprimis  ad  opprimendam  veritatis  lucem  abuteretur:  nec  aliam  ob  causam  in  cardinalium  numerum  adscitus,  quam  ut  vir  alioqui  vitae  non  flagitiosae  quos  posset  colores  falsae  religioni  induceret.  Is  observata  eius  temporis  occasione  destitutum  tantis  pastoribus  gregem  facile  se  intercepturum  arbitratus,  viciniam  quoque  praetexens  (est  enim  Carpentoratensis  civitas  Delphinatui,  et  hic  rursus  Sabaudiae  contiguus)  literas  dedit  desideratissimis,  quos  vocat,  senatui,  consilio  populoque  Genevatium  inscriptas,  in  quibus  nihil  eorum  praetermisit  quae  ad  eos  in  Romanae  illius  meretricis  gremium  revocandos  pertinerent.  Illis  nemo  tum  erat  Genevae  qui  responsum  opponeret:  adeo  ut  nisi  peregrino  sermone  scriptae  fuissent,  [B  2]  magnum  civitati  in  eo  rerum  statu  damnum  daturae  fuisse  videantur.  At  illas  Calvinus  Argentinae  quum  legisset,  omnium  iniuriarum  oblitus  sic  statim  et  vere  et  eloquenter  respondit,  ut  ille  mox  totum  istud  negotium  tanquam  desperatum  omiserit.  Sed  neque  tamdiu  exspectavit  Calvinus,  ut  legitimum  illum  pastoris  affectum  testaretur,  quem  adversus  Genevenses  ipsos  *)  tum  apud  suos  gravissime  pro  communi  pietatis  causa  laborantes  retinebat:  cuius  demum  affectus  luculentum  testimonium  exhibent  insignes  epistolae,  quas  ad  illos  anno  ipso  quo  reiectus  est  ac  proxime  consequuto  Argentinae  dedit  :  quibus  2)  nimirum  hoc  unum  agit,  [fol.  II.  4]  ut  et  ad  resipiscentiam  coram  Deo  1)  erga  sanioris  iudicii  Genevenses  {Ead.  recenti).  2)  quibus  .  comprobavit  om.  edd.  recentiores.  Calvini  opera.  Vol  XXI.