9:128  sur  le  marche,  voire  quelque  coup  de  trop:  car  le  cerveau  luy  voltige  tellement,  que  sautant  du  coq  a  l'asne,  il  s'oublie  en  moins  de  quatre  mots.  Tant  y  a  qu'en  la  fin  il  s'advise  de  nous  accuser,  que  c'est  parole  de  blaspheme,  nous  faire  reformateurs  de  l'Evangile.  Mais  d'ou  a-il  appris  ce  gergon?  Veu  que  nous  tenons  et  crions  haut  et  clair,  sans  cesse,  que  c'est  la  seule  reigle  a  laquelle  il  faut  que  tout  le  monde  se  reforme:  tant  s'en  faut  que  nous  y  trouvions  a  redire,  comme  le  Pape  et  Mahomet,  qui  Tont  voulu  accomplir,  l'un  par  son  Alcoran,  l'autre  par  ses  Canons  et  statuts,  avec  toute  la  friperie  de  ses  revelations.  Mais  la  raison  de  messire  Antoine  est  notable,  a  savoir,  que  Iesus  Christ  a  promis  d'estre  avec  ses  fideles  iusques  a  la  fin  du  monde.  Or  il  y  a  bien  du  coq  a  l'asne.  Mais  encore,  par  quel  bout  commencera-il  pour  monstrer  que  le  Pape  et  son  Clerge  sont  les  fideles  de  Iesus-  Christ?  Car  il  est  certain  qu'ils  seront  desadvquez  d'un  tel  maistre.  Vray  est  que  Cathelan  se  modere.  Sauf  meilleur  iugement,  dit-il,  et  si  les  Evangiles  sont  veritables.  Yvrogne!  falloit-il  submettre  a  nul  iugement  la  verite  de  l'Evangile?  Mais  en  cela  voit-on  de  quelle  sobriete  il  gasouille.  Ce  luy  a  este  assez  d'amener  cette  vieille  chanson,  a  laquelle  nous  avons  tant  respondu,  que  les  pierres  quasi  en  savent  parler.  Ie  confesse  que  Iesus  Christ  a  promis  d'estre  tousiours  avec  los  siens.  Il  reste  de  discerner  lesquels  ce  sont.  A  cela  luy-mesme  respond,  que  les  brebis  oyent  sa  voix.  Le  Pere  aussi  en  a  prononce  sa  sentence  du  ciel,  constituant  Iesus  Christ  seul  maistre  de  son  Eglise,  par  ce  mot  :  C'est  mon  Fils  bien-aime,  escoutez-le.  Si  le  pape  et  les  siens,  ne  se  contentans  de  la  purete  de  l'Evangile,  ont  tout  corrumpu  par  leurs  meslinges,  et  en  somme  ont  destourne  l'Eglise  de  son  chef  et  Pasteur,  que  faut-il  plus  plaider  d'une  cause  tant  liquide?  Mais  le  principal  est  de  voir  combien  messire  Antoine  se  monstre  vaillant  quand  il  entre  en  dispute.  Il  demande  pourquoy  ie  des  en  de  faire  aumosne  aux  Papistes,  veu  que  Dieu  fait  luire  son  soleil  sur  lefc  bons  et  sur  les  mauvais.  Comme  si  iamais  on  m'avoit  ouy  tenir  ce  propos,  et  si  mes  livres  ne  testifioyent  le  contraire.  Qui  plus  est,  le  vilain  sait  bien  que  du  premier  coup  il  fut  secouru  a  mon  adveu,  et  possible  de  mon  argent:  et  le  lendemain  quand  il  amena  sa  paillarde  a  ma  porte,  combien  quo  ie  les  refusav  en  leur  queste,  ie  ne  leur  alleguay  pas  ceste  raison  ;  mais  que  ne  voulions  frauder  les  povres,  pour  tenir  ici  le  bordeau.  Au  reste,  s'il  entend  que  ie  face  mal  de  n'exhorter  qu'on  donne  a  tout  venant,  sans  discretion,  qu'il  parle  a  sainct  Paul,  lequel  Galates  6  (v.  10),  met  les  domestiques  de  la  foy  en  premier  degre  :  mesme  qu'il  se  prenne  a  toute  l'Escriture,  qui  nous  commande  d'avoir