8:128  une  fois  goustee,  nous  suivions  sa  doctrine,  car  elle  nous  est  annoncee  par  luy}  et  que  nous  perseverions  en  icelle  iusques  a  la  fin,  nonobstant  tous  les  empeschemens  qui  pourroyent  advenir  pour  nous  en  destourner.  Comme  ie  prie  a  ce  bon  Dieu  qu'il  nous  en  face  la  grace  d'y  vivre  et  d'y  mourir.  M.  REMOND  CHAUVET.  Mes  freres,  ie  ren  graces  a  Dieu  des  grans  thresors  qu'il  nous  desploye  [page  87]  en  ceste  doctrine  pleine  de  consolation.  Vray  est  que  combien  que  ceste  doctrine  soit  telle  que  ie  viens  de  dire,  riche  et  pleine  de  consolation,  si  est-ce  que  ce  n'est  pas  (quand  on  en  viendra  a  disputer),  qu'il  riy  ait  du  dangier  et  de  la  difficulte.  Mais  aussi  on  ne  pourroit  passer  le  lac,  ou  entrer  dedans  la  mer  pour  faire  quelque  bonne  traffique,  sans  grande  difficulte,  et  qu'il  n'y  ait  des  dangier  s  beaucoup.  Celuy  qui  voudroit  passer  par  la  mer,  ou  par  le  lac,  sans  batteau  et  sans  conduicte,  il  se  mettroit  en  des  gouffres,  il  se  pourroit  precipiter  et  ruiner.  Mais  s'il  y  entre  avec  une  navire,  et  avec  une  bonne  conduite,  ce  luy  sera  une  ioyeuse  navigation,  et  delectable,  voire  et  qui  luy  portera  grand  profit.  Ainsi,  quand  nous  voudrons  traitter  de  la  predestination  de  Dieu,  en  ce  qu'il  a  esleu  les  siens,  et  qu'il  a  reprouve  les  meschans  et  iniques,  U  nous  y  faut  entrer  par  la  navigation  qui  a  este  proposee  par  le  frere  proposant,  et  par  ceux  qui  ont  conferme  la  doctrine:  c'est  assavoir,  que  nous  cognoissions  en  general  que  [page  88]  nous  sommes  tous  perdus  et  damnez.  Mais  si  nous  voyons  que  Dieu  nous  ait  fait  la  grace  de  nous  illuminer  et  de  nous  appeler  a  la  cognoissance  de  sa  verite,  par  laquelle  nous  cognoissions  et  soyons  certains  et  asseuree  que  nous  sommes  ses  enfans,  d'autant  qu'il  nous  a  predestinez  devant  la  creation  du  monde:  nous  avons  la  matiere  et  occasion  de  glorifier  Dieu,  et  de  Vavoir  en  admiration  de  ce  qu'il  desploye  ainsi  sa  grace  et  sa  misericorde  sur  nous,  qui  sommes  si  povres  et  si  miserables  creatures.  Si  nous  voyons  d'autrepart  que  Dieu  en  reprouve  aucuns,  nous  avons  occasion  et  matiere  de  cognoistre  son  iuste  iugement,  qiiii  ne  fait  rien  sans  iuste  raison,  combien  qu'elle  nous  soit  cachee.  Que  sur  cela  nous  venions  ou  sainct  Paul  nous  amene,  assavoir,  a  ceste  admiration  des  secrets  et  iugemens  de  Dieu  incomprehensibles,  pour  dire  avec  luy:  O  hautesse,  o  profondeur  et  richesse  de  la  patience  de  Dieu!  Combien  sont  incomprehensibles  tes  iugemens!  (Rom.  l  l  ,  33.)  Ie  veux  adiouster  un  mot,  pource  qu'il  y  a  auiourd'huy  [page  89]  des  chiens  qui  abbayent  et  circuissent  ca  et  la,  cerchans  s'ils  pourront  trouver  a  mordre,  et  disent:  O!  il  ne  faut  point  croire  aux  hommes,  mais  a  Dieu.  Et  mal-heureux,  qui  est-ce  qui  dit  le  contraire?  Mais  quand  les  hommes  parleront