7:128  des  bestes  n'a  autre  faculte  sinon  de  donner  mouvement  a  leur  corps.  Ce  n'est  point  donc  de  merveilles  si  l'ame  de  l'homme  qui  a  raison,  entendement  et  volunte,  et  les  autres  vertus  distinctes  du  corps,  subsiste  estant  separee  du  corps,  au  lieu  que  les  ames  des  bestes  perissent,  en  tant  qu'elles  n'ont  que  sens  corporelz.  Pour  ceste  cause  sainct  Paul  allegue  le  tesmoignage  d'Aratus  poete  payen,  que  nous  sommes  la  lignee  de  Dieu  (Act.  17,  29):  pour  monstrer  quelle  est  l'excellence  de  nostre  ame.  Quant  a  ce  que  sainct  Paul  met  difference  entre  l'ame  vivante  et  l'esprit  vivifiant,  ce  n'est  pas  pour  denoter  que  l'ame  que  nous  avons  a  present  perisse,  [page  163]  mais  seulement  pour  monstrer  combien  il  y  aura  plus  grande  vertu  apres  la  resurrection.  Assavoir  que  nous  serons  semblables  aux  Anges  de  Dieu,  vivans  sans  boire  ne  sans  manger:  n'estans  plus  subiectz  a  aucune  mutation  ne  fragilite  (Matth.  22,  30).  Ilz  alleguent  outreplus  une  vision  d'Ezechiel,  ou  le  Prophete  descrivant  de  la  resurrection,  dict,  que  Dieu  appelle  l'esprit  des  quatre  ventz,  pour  inspirer  vie  aux  oz  mortz  (Ez.  37,  9).  Mais  la  solution  est  facile:  qu'Ezechiel  a  la  facon  accoustumee  des  Prophetes,  use  d'une  figure  exterieure,  pour  signifier  l'ame  de  l'homme  :  commo  en  sa  premiere  vision,  en  parlant  de  l'Esprit  de  Dieu,  il  l'appelle  aussi  bien  vent.  Qui  voudroit  arguer  par  cela,  que  l'Esprit  de  Dieu  n'est  pas  une  essence,  il  n'y  auroit  nul  propos.  Cest  donc  grande  follie  a  ces  enragez,  de  ne  point  observer  une  facon  de  parler,  laquelle  est  en  si  commun  usage  en  toute  l'escriture.  Leur  troisiesme  argument  est,  qu'encore  que  l'ame  eust  este  creee  immortelle:  toutesfoys  par  le  peche  elle  a  perdu  son  immortalite,  comme  sainct  Paul  dict,  que  le  loyer  de  peche,  c'est  la  mort  (Rom.  G,  23).  Mais  ie  demande  premierement,  si  le  Diable  n'a  point  receu  ce  mesme  loyer,  et  toutesfoys  il  n'est  [page  164]  pas  tellement  mort  qu'il  ne  veille  tousiours,  qu'il  ne  circuisse,  cherchant  a  devorer.  Ie  demande  secondement  si  ceste  mort  prend  fin  ou  non,  car  si  elle  n'a  point  de  fin,  veuillent-  ilz  ou  non,  il  faut  qu'ilz  me  confessent  que  les  ames  en  la  mort  ne  laisseront  point  de  sentir  le  feu  eternel,  et  le  ver  qui  les  rongera.  Il  appert  donc  que  l'ame  ne  meurt  pas  tellement,  qu'elle  n'ait  sentiment  de  son  mal.  Quant  au  corps  il  est  dict  qu'il  retournera  en  terre  dont  il  est  venu,  pour  aller  en  pourriture  (G-en.  3,  19).  Mais  la  mort  de  l'ame,  c'est  d'estre  alienee  de  Dieu,  et  d'estre  confuse  du  sentiment  de  son  ire,  comme  l'Apostre  le  demonstre  en  disant:  Leve  toy  qui  dors,  leve-toy  de  la  mort,  et  Christ  te  illuminera  (Eph.  5,  14):  II  est  certain  qu'il  ne  parle  point  au  corps  insen-