58:128  Quand  nous  prescherons  auiourd'hui  de  patience,  a,  grand  peine  pourrons-nous  gagner  ce  poinct,  que  si  nous  avons  quelque  peu  a  endurer,  nous  ne  soions  bien  tost  faschez  et  chagrinez  :  et  quand  il  semblera  que  soions  bien  patiens,  il  y  aura  tousiours  quelque  despit,  sinon  que  Dieu  du  premier  coup  nous  soulage  :  et  cependant,  que  souffrirons-nous  ?  Rien,  par  maniere  de  dire.  Si  nous  souffrons  une  chiquenaude,  cela  nous  sera  si  dur  que  rien  plus  :  et  puis  si  on  continue  a  nous  faire  quelque  mal:  Et  c'est  trop  endure.  Or  nous  sommes  bien  loin  de  la  mansuetude  qui  nous  est  ici  monstree  en  nostre  pere  Isaac.  Nous  dirons,  Cela  m'est  insupportable.  Si  on  nous  fait  tort  d'un  sols,  ou  de  quelque  petite  portion  de  nostre  bien:  O,  ie  ne  le  puis  endurer,  c'est  par  trop.  Voire,  mais  Isaac  a  combatu  pour  de  l'eau.  Ie  di  Combatu,  non  pas  qu'il  ait  prins  l'espee  au  poing:  mais  il  a  souffert  iniure  encore  qu'il  eust  cave  un  puits,  et  que  son  pere  l'eust  acquis  de  son  bien  propre,  et  que  le  Roy  lui  eust  ottroye,  et  que  derechef  il  l'ait  cave,  qu'il  ait  beaucoup  travaille  pour  avoir  de  l'eau  a  boire.  Or  combien  que  tout  cela  y  soit,  neantmoins  nous  voions  sa  patience.  Et  ainsi,  quand  Dieu  nous  affligera,  et  qu'il  laschera  la  bride  aux  meschans,  que  nous  serons  pillez  et  gourmandez  d'eux,  sachons  qu'encores  nous  n'en  sommes  pas  venus  iusques  la,  de  n'avoir  point  une  goutte  d'eau,  et  qu'on  nous  retire  les  elemens,  que  Dieu  a  voulu  estre  communs  entre  les  hommes.  Car  chacun  veut  avoir  son  cas  a.  part,  et  de  ble,  et  de  vin,  et  de  chair,  et  de  choses  semblables,  et  de  meuble  et  de  possessions:  chacun  donc  aura  le  sien  propre:  mais  de  l'eau  c'est  un  element  que  Dieu  a  ordonne  a  tous  hommes.  Quand  il  y  a  les  rivieres,  les  puits  et  les  fontaines  en  chemin  public:  pourquoy  est-ce  que  cela  sera  osto  a  ceux  qui  sont  creatures  de  Dieu?  Or,  quoy  qu'il  en  soit  si  a-il  fallu  que  nos  Peres  soyent  venus  en  telle  extremite.  Et  c'est  (comme  i'ay  desia  touche)  a  ce  que  nous  apprenions  d'estre  patiens,  non  pas  seulement  pour  souffrir  quelque  petite  iniure,  ou  deux  ou  trois:  mais  qu'en  tout  et  par  tout  nous  soions  tellement  benins  et  debonnaires,  que  quand  il  seroit  question  de  la  mort,  par  maniere  de  dire,  nous  esperions  que  Dieu  se  monstrera  pitoiable  envers  nous.  Et  pourtant,  que  nous  ne  redoublions  point  le  mal,  que  nous  ne  facions  point  d'un  diable  deux,  quand  les  meschans  et  incredules  nous  persecutent  iniustement  :  mais  que  nous  taschions  a  leur  amolir  le  coeur,  et  adoucir  la  malice  dont  ils  usent  envers  nous.  Quand  nous  en  ferons  ainsi,  il  est  certain,  qu'encores  que  pour  un  temps  nous  soions  en  angoisses  extremes,  en  la  fin  Dieu  nous  eslargira  tellement  que  nous  aurons  dequoy  benir  son  sainct  Nom  a  pleine  bouche.  Or  nous-nous  prosternerons  devant  la  Maieste  de  nostre  bon  Dieu,  en  cognoissance  de  nos  fautes,