56:128  de  Hin,  et  l'aspersion  de  vin  de  la  quatrieme  partie  de  Hin  pour  chacun  agneau.  41.  Et  offriras  l'autre  agneau  vers  le  vespre,  selon  l'oblation  du  matin,  et  luy  feras  telle  aspersion  en  odeur  de  repos,  et  sacrifice  fait  par  feu  a  l'Eternel.  42.  Ce  sera  l'holocauste  continuel  en  vos  aages,  a  l'entree  du  tabernacle  de  convenance  devant  l'Eternel,  auquel  ie  conviendray  avec  vous,  pour  parler  a,  toy.  43.  Ie  conviendray  la  avec  les  enfans  d'Israel,  et  il  sera  sanctifie  en  ma  gloire.  44.  Ie  sanctifieray,  di-ie,  pareillement  le  tabernacle  de  convenance  avee  l'autel,  Aaron  avee  ses  fils,  afin  qu'ils  me  soyent  Sacrificateurs.  45.  Aussi  i'habiteray  au  milieu  des  enfans  d'Israel,  et  seray  leur  Dieu  :  46.  Et  cognoistront  que  ie  suis  l'Eternel  leur  Dieu,  qui  les  ay  retirez  du  pays  d'Egypte,  pour  habiter  au  milieu  d'eux.  Ie  suis  l'Eternel  leur  Dieu.  Chapitre  XXX.  1.  Tu  feras  aussi  de  bois  de  Setim  l'autel  de  perfumigation.  2.  Sa  longueur  sera  d'une  coudee,  et  sa  largeur  d'une  coudee  en  quarre,  sa  hauteur  de  deux  coudees,  et  ses  cornes  issantes  dehors.  3.  Et  couvriras  de  fin  or  le  dessus,  et  ses  parois  a  l'environ,  et  ses  cornes:  et  luy  feras  une  couronne  d'or  a  Fenviron.  4.  Tu  luy  feras  aussi  quatre  anneaux  d'or  au  dessus  de  sa  couronne,  aux  deux  coins  de  ses  deux  costez:  ausquels  on  mettra  les  barres  pour  le  porter.  5.  Tu  feras  les  barres  de  bois  de  Setim,  et  les  couvriras  d'or.  6.  Et  le  mettras  devant  le  voile,  qui  est  a  l'endroit  de  l'Arche  de  tesmoignage,  devant  le  Propitiatoire,  lequel  est  sur  le  tesmoignage,  auquel  ie  conviendray  avec  toy.  7.  Et  tous  les  matins  Aaron  fera  sur  iceluy  encensemens  aromatiques  quand  il  accoustrera  les  lampes,  il  y  fera  la  perfumigation.  8.  Ainsi  quand  Aaron  allumera  les  lampes  vers  le  vespre,  il  fera  la  perfumigation  continuellement  devant  l'Eternel  en  vos  aages.  9.  Vous  n'offrirez  point  sur  iceluy  autre  perfumigation,  ne  holocauste,  ne  offerte:  et  ne  verserez  nulle  aspersion  sur  iceluy.  10.  Et  Aaron  fera  une  fois  l'an  reconciliation  sur  les  cornes  d'iceluy  du  sang  pour  la  reconciliation  du  peche.  Ii  fera  doncques  une  fois  l'an  la  reconciliation  sur  iceluy  en  vos  aages.  C'est  sainctete  tressaincte  au  Seigneur,  ll.  En  apres  l'Eternel  parla  a  Moyse,  disant,  12.  Tu  leveras  la  somme  des  enfans  d'Israel,  et  selon  leur  nombre:  ils  donneront  chacun  la  redemption  de  leur  personne  a  l'Eternel,  quand  tu  les  auras  contez,  et  n'y  aura  point  de  playe  en  eux  quand  tu  les  auras  contez.1)  13.  Tous  ceux  qui  passeront  par  le  conte,  donneront  ceci:  assavoir  demi  sicle  selon  le  sicle  du  sanctuaire,  lequel  est  de  vingt  oboles:  le  demi  sicle  *)  revisitez  O.  nombrez  46  suiv.