51:128  et  nous  iettent  ca  et  la,  que  ces  appetis-la  soyent  mortifiez,  d'autant  que  nous  voyons  qu'il  a  falu  que  le  Fils  de  Dieu  ait  souffert  une  mort  si  ignominieuse  pour  nous.  Qui  est  celuy  qui  voudra  maintenant  faire  ses  triomphes  et  bravades  au  monde,  quand  il  verra  que  celuy  qui  est  chef  des  Anges,  auquel  appartient  toute  gloire,  maieste  et  empire,  a  este  pendu  au  bois,  et  fait  maudit  et  execrable  pour  nous?  Voila  donc  comme  il  faut  que  toutes  nos  cupiditez  soyent  amorties,  et  que  la  mort  et  passion  de  nostre  Seigneur  Iesus  Christ  besongne  la  dedans  en  nos  coeurs,  tellement  que  nos  appetis  ne  soyent  plus  si  fretillans  comme  ils  ont  este.  Et  cela  est  pour  un  item.  Et  puis  il  faut  que  le  monde  nous  soit  crucifie.  Et  comment  cela?  C'est  qu'en  faisant  comparaison  des  biens  spirituels  que  Iesus  Christ  nous  a  apportez,  et  desquels  nous  iouissons  par  son  moyen,  que  nous  estimions  comme  paille  et  corruption  tout  ce  qui  est  du  monde,  comme  il  n'y  a  rien  aussi  qui  ne  soit  corruptible.  Et  au  reste  tout  ce  que  les  hommes  convoitent  si  fort  et  d'une  telle  vehemence  qu'ils  y  sont  du  tout  empeschez  qu'estce  sinon  des  filets  qui  sont  tendus  par  Satan  pour  les  y  surprendre?  Ne  sont-ce  pas  autant  d'illusions  et  tromperies?  Il  est  bien  certain.  Puis  qu'ainsi  est  donc,  apprenons  que  le  monde  ne  nous  soit  rien,  et  que  nous  ayons  tout  cela  persuade  et  resolu  en  nous  que  Dieu  nous  est  propice,  qu'il  nous  cognoit  pour  ses  enfans  et  heritiers,  qu'il  nous  a  benits,  et  que  sans  cela  nous  sommes  miserables.  Voila  donc  comme  nous  pourrons  passer  legierement  par  ce  monde  pour  n'y  estre  point  retenus  ni  retardez  pour  chose  qui  soit:  car  nous  aurons  tousiours  ce  but.  Nous  scavons  qu'il  nous  faut  haster  pour  parvenir  ou  Dieu  nous  appelle  :  et  si  les  affections  du  monde  nous  enveloppent,  nous  serons  par  ce  moyen  alienez  de  nostre  Dieu.  Voila  donc  en  somme  ce  que  nous  avons  a  retenir  de  ce  passage.  Or  la  dessus  sainct  Paul  adiouste  qu'en  Iesus  Christ  il  n'y  a  ne  Circoncision  ne  prepuce  qui  vaille  rien:  mais  la  nouvelle  creature.  Comme  s'il  disoit  que  ceux  qui  pour  lors  troubloyent  l'Eglise  n'avoyent  sinon  leur  ambition  qui  les  incitoit  a  cela.  Car  quand  l'Eglise  n'est  point  avancee,  qu'il  n'y  a  nul  profit  en  quelque  chose  de  faire  de  grands  troubles,  il  est  certain  qu'on  monstre  par  ce  moyen  qu'on  ne  cerche  sinon  d'estre  comme  au  lieu  de  nostre  Seigneur  Iesus  Christ.  Car  a  quoy  devons  nous  tendre,  sinon  que  le  Fils  de  Dieu  regne  au  milieu  de  nous,  et  que  nous  soyons  reglez  selon  la  parole  de  son  Evangile,  et  qu'on  cognoisse  sa  vertu,  a  fin  que  grans  et  petis  mettent  du  tout  leur  fiance  en  luy  ?  Et  suyvant  cela,  que  nous  soyons  reformez  en  toute  nostre  vie  pour  obeir  a  Dieu  et  nous  ranger  a  sa  parole.  Car  comme  le  temple  spirituel