50:128  10.  Est  veritas  Christi  in  me.  Ne  quis  suspicaretur  huc  spectare  Pauli  verba,  ut  in  posterum  liberaliores  in  ipsum  essent  Corinthii,  ac  studerent  compensare  superioris  temporis  erratum:  iureiurando  affirmat,  nihil  se  ab  illis  sumpturum,  neque  ab  aliis  Achaicis,  etiamsi  offeratnr.  Nam  loquutio  ista,  est  veritas  Christi  in  me,  formula  est  iuramenti,  quae  perinde  valet  ac  si  dixisset:  Ne  censeatur  in  me  esse  veritas  Christi,  nisi  mihi  haec  gloria  permaneat  inter  Achaicos.  Corinthus  autem  erat  in  Achaia.  11.  An  quod  non  diligam  vos?  Quos  amamus,  iis  utimur  magis  familiariter.  Ne  ergo  accipiant  in  malam  partem  Corinthii,  quod  ipsorum  liberalitatem  respueret,  a  Macedonibus  sustineret  se  iuvari,  idque  se  porro  facturum  iuraret  :  suspicionem  quoque  illam  occupat.  Ac  per  anthypophoram  interrogat  quasi  in  eorum  persona,  an  hoc  signum  sit  animi  parum  benevoli.  Non  respondet  directe  ad  rogatum:  sed  responsio  obliqua  plus  habet  ponderis,  quum  Deum  suae  erga  illos  benevolentiae  testem  citat.  Yides  hic  ut  tres  versus  contineant  duo  iuramenta:  sed  ideo  licita  sunt  ac  sancta,  quod  rectum  habent  finem  et  legitima  causa  subest.  Promiscue  igitur  omnia  damnare  phreneticorum  est,  qui  inter  album  et  nigrum  non  discernunt.  12.  Verum  quod  facio.  Rationem  consilii  sui  iterum  exponit.  Pseudoapostoli,  quo  imperitos  ad  se  allicerent,  abstinebant  a  stipendio.  Erat  fucus  rari  zeli,  gratis  servire.  Si  Paulus  iure  suo  usus  fuisset,  dabatur  illis  occasio  erigendi  cristas,  ac  si  longe  ei  excellerent.  Paulus  ergo  ne  occasionem  illis  daret  ad  nocendum,  ipse  quoque  gratuitum  evangelium  praedicavit.  Atque  id  est  quod  subiicit,  se  amputare  velle  occasionem  iis  qui  occasionem  quaerunt.  Nam  pseudoapostoli  hoc  artificio  se  insinuare  volebant:  Paulo  autem  tantundem  gratiae  detrahere,  si  qua  in  re  fuissent  illo  superiores.  Id  se  illis  daturum  negat.  Reperientur,  inquit,  nobis  aequales  in  ista  gloriatione  quam  habere  propriam  cuperent.  Caeterum  hic  utilis  est  admonitio  de  praecidenda  improbis  occasione,  quoties  aliquam  captant.  Hic  enim  unus  est  vincendi  modus,  non  autem  quum  eos  nostra  imprudentia  armamus.  13.  Siquidem  istiusmodi  pseudoapostoli  operarii  dolosi  sunt,  qui  transformant  se  in  apostolos  Ghristi.  14.  Neque  id  mirum:  quandoquidem  ipse  Satanas  transfiguratur  in  angelum  lucis.  15.  Non  magnum  igitur  si  et,  ministri  illius  transformant  se,  perinde  ac  si  essent  ministri  iustitiae.  Quorum  finis  erit  secundum  opera  ipsorum.  13.  Siquidem,  ete.  Tametsi  iam  hoc  illis  abstulit  quod  praecipue  captabant:  non  tamen  contentus  se  illis  fecisse  aequalem  in  quo  volebant