30:128  cata  sic  agnoscunt  ut  tamen  ea  commemorari  nolint:  sed  potius  statim  absolvi.  Sic  solent  hypocritae,  quum  nullus  effugio  locus  superest,  peccata  quidem  obiter  confiteri,  et  istud  Peccavi^  ingeminare  :  sed  statim  tamen  velle  absolvi.  Quid  ita  vero?  Nempe  criminationem  et  accusationem  omnem  metuunt,  et  correctionem  refugiunt.  Itaque  verbo  uno  corripi,  et  eodem  absolvi  volunt,  et  peccata  silentio  obrui,  ne  in  hominum  unquam  conspectum  veniant:  et  sua  hypocrisi  hominum  oculos  perstringunt.  At  non  ita  facto  est  opus.  Sed  urgente  nos  conscientia,  discamus  coram  Deo  et  hominibus,  deiici,  et  humiliari,  ut  quamcunque  tandem  correctionem  imponere  Deus  voluerit,  eam  patienter  feramus.  Ac  si  hominum  ministerio  in  nobis  castigandis  utatur,  sponte  subeamus  poenas:  neque  obloquamur  aut  indignemur,  quemadmodum  videmus  indignari  et  fremere  adversus  Deum  eos  omnes,  qui  fictitia  et  simulata  peccatorum  confessione  sanctitatis  opinionem  apud  homines  venantur.  Et  de  istis  hactenus;  transeamus  ad  sequentia,  quibus  dicitur  Samuel  respondisse,  se  non  reversurum  cum  ipso,  quod  a  Deo  reprobatus  sit:  quasi  diceret,  se  Dei  decreto  non  posse  reluctari:  quod  quoniam  pronunciatum  eidem  acquiescendum  sit.  Hic  primum  quaestio  suboritur,  quomodo  tamen  postea  Samuel  cum  Saule  reversus  sit,  quum  se  id  facturum  antea  negaverit.  Videtur  enim  non  sibi  constare,  sed  vacillare:  quod  non  convenit  prophetae,  ut  in  ipso  dicatur  esse  Etiam  et  Non,  quod  avertit  Paulus  a  se  in  2.  ad  Corinth,  epistola,  quum  ait:  Novit  fidelis  Deus  sermonem  nostrum  apud  vos,  non  fuisse  Etiam  et  Non.  Sed  observandum  Samuelem  negantem  se  cum  Saule  reversurum,  idem  velle  ac  si  diceret,  se  non  amplius  posse  ab  ipsius  partibus  stare:  quasi  diceret:  Meum  non  est  te  tueri,  sicut  ego  te  regem  non  ex  meo  arbitrio  constitui:  sic  neque  ego  te  mea  autoritate  possum  conservare.  Ego  te  quidem  Dei  iussu  regem  inauguravi,  et  inunxi:  sed  quum  regia  illa  dignitate  culpa  tua  excideris,  ne  quid  amplius  a  me  exspectato:  neque  enim  tibi  quidquam  ego  contuli:  ego  hactenus  tuam  dignitatem  in  qua  es  a  Deo  constitutus  promovi,  et  pro  mihi  commisso  munere  tutatus  sum:  sed  quandoquidem  Deus  te  non  amplius  regem  fore  minatus  est,  me  Deo  parere  par  est.  Haec  fuit  mens  Samuelis.  Sed  quum  illum  postea  comitatur,  nihil  de  Domini  sententia  irrevocabili  detracturus  aut  immutaturus  facit,  neque  aliquid  sine  Dei  mandato  suscepturus,  sed  potius  regiam  dignitatem  ornaturus,  cui  subiici  vult  donec  plane  fuerit  Saul  exauctoratos.  Sane  Dei  decretum  erat  quidem  de  reiiciendo  Saule,  sed  nondum  patefactum:  quare  Samuelem  oportuit  aliquam  obedientiam  illi  praestare,  quod  non  esset  ipsius  officium  populum  ab  obedientia  avocare:  sed  praestitutum  a  Deo  tempus