20:128  4002.  CALVIN  A  COLIGNY.  Post-scriptum,  ou  supplement  de  la  lettre  precedente.  (Autographe.  Bibi.  nat.,  meme  vol.  fol.  77.  Bonnet  II.  531.)  A  Monseigneur  Monsieur  Ladmiral.  Monseigneur  ie  vous  escrivy  dernierement  *)  a  la  haste  des  lettres  deffroy,  comme  iestois  saisy  de  grande  destresse.  Laffaire  est  celluy  que  vous  avez  devine.  Or  ie  ne  doubtois  pas,  combien  que  vous  f  eussiez.  sollicite,  que  vous  auriez  eu  la  prudence  de  vous  y  gouverner  si  dextrement  quil  ny  auroit  que  redire.  Toutesfois  ce  scrupule  me  rongeoit  le  cueur,  comme  si  vous  neussiez  prevenu,  vos  ennemis  eussent  prins  occasion  de  faire  grandes  crieries.  Ceste  creinte  doncq  mavoit  esmeu  a  vous  advertir  que  la  venue  de  lhome  ne  pourroit  estre  secrete  et  qu'on  presumeroit  merveilles  si  de  vostre  coste  vous  ne  descouvriez  ce  qui  seroit  expedient  pour  vous  exempter  de  toute  calomnie.  Or,  Monseigneur,  comme  vous  avez  peu  recueillir  combien  vostre  reputation  mest  precieuse,  aussi  ie  ne  doubte  pas  que  vous  naiez  bien  prins  le  tout.  Ce  pendant  ie  loue  Dieu  que  vous  aviez  bien  proveu  a  tout  ce  que  ie  desirois*  Monseigneur,  apres  m'estre  de  rechef  humblement  recommande  a  vostre  bonne  grace  ie  supplie  nostre  Dieu  et  pere  vous  guider,  maintenir  et  augmenter  en  toutes  ses  richesses  spirituelles.  Ce  mesme  iour.  Iavois  tellement  despeche  la  lettre  que  nul  nen  avoit  rien  sceu:  tellement  que  monsieur  de  Beze  sest  esbahy  de  ce  quil  nentendoit  pas.  Iavois  aussi  oublie  a  vous  dire,  Monseigneur,  que  nostre  frere  des  Gallars2)  est  icy  attendant  response  de  vous.  C'est  monsieur  de  Saules.  Vostre  humble  serviteur,  Iehan  Calvin.  4002.1)  Allusion  a  une  lettre  perdue,  et  non  a  la  precedente-  2)  N.  3969.