9:127  127  REFORMATION  128  iube.  1)  Se  voyans  desnichez  d'ici  tant  viste,  passerent  plus  loin,  et  luy  tire  droit  a  Berne:  auquel  lieu,  par  faute  d'estre  cognu,  il  impetra  pension  d'escolier,  pour  estre  nourri  en  l'escole  de  Lausanne.  Estant  la  venu,  pource  qu'on  descouvrit  tantost  quelle  sorte  de  beste  c'estoit,2)  il  ne  fut  pas  trop  bien  receu  a  son  gre.  Mesme  monsieur  de  Besze  estant  pour  lors  Recteur,  voyant  un  vieil  homme  sans  nul  savoir,  esperer  foiement  d'estre  employe  en  quelque  estat,  pour  luy  coupper  broche,  luy  ordonna  d'apporter  quelque  theme  a  la  facon  des  enfans.  Ce  docteur  subtil,  ne  voulant  presenter  son  escrit  sans  bonne  signature,  mit:  Per  me  Anthonius  Cathelan.  Ie  ne  di  rien  qui  ne  se  verifie  par  sa  main.  3)  Le  Recteur,  estant  fasche  de  telle  asnerie,  luy  remonstra  qu'il  devoit  estre  envoye  aux  verges.  A  fin  qu'on  ne  s'esbahisse  de  le  voir  tant  hardi  apres  estre  eschappe  de  la  discipline,  alors  il  fut  effronte  iusques  la,  de  respondre:  Comment?  omnia  nomina  propria  nonne  sunt  indeclinabilia?  C'estoit  bien  assez  pour  le  casser  de  ses  gages.  Et  de  faict,  ce  rustre  voyant  qu'il  estoit  au  bout  de  son  role,  tascha  par  nouvelles  pratiques  a  s'insinuer  de  nouveau.  Mais  il  fit  tant  en  somme  par  ses  belles  iournees,  qu'il  fut  banni,  sur  peine  du  fouet.  Pay  bien  voulu  reciter  en  brief  a  la  verite  ce  qui  en  est,  a  fin  qu'on  sache  quelle  excuse  il  a  de  mentir  si  vilainement  contre  les  serviteurs  de  Dieu.  Cependant  ie  ne  m'amuseray  pas  a  rembarrer  les  mensonges  dont  il  a  farci  son  beau  livre,  qu'il  intitule  ie  ne  say  comment:  car  iamais  ie  n'ay  daigne  le  regarder.  La,  a  ce  que  i'ay  entendu,  il  me  fait  manger  du  rosti  de  quelques  nopces  qui  se  sont  faites  a  une  bonne  iournee  loin  de  moy,  ou  i'estoy  autant  prie  que  celuy  qui  demeure  outre  mer.  Il  dit  que  i'ay  entretenu  une  Nonnain,  laquelle  on  m'a  dit  que  i'ay  vue  une  fois  seulement,  demi  cart  d'heure,  en  presence  de  plus  de  dix  tesmoins,  et  l'ay  si  bien  marquee,  que  si  ie  la  voyoye,  ie  ne  la  sauroye  non  plus  discerner  que  si  iamais  elle  n'estoit  approchee  de  cent  lieues.  Que  feroit-on  a  un  tel  galand,  sinon  de  le  remettre  a  son  chapitre,  ou  sa  lecon  luy  soit  chantee,  selon  le  proverbe  des  Moynes,  Usque  ad  vitulos?  Mais  a  fin  qu'il  ne  se  vante  de  m'avoir  ferme  la  bouche  par  son  Epistre,  a  laquelle  il  veut  qu'on  me  contraigne  a  respondre,  ie  luy  feray  sa  depesche  courte  et  briefve.  Quant  a  sa  preface,  ie  ne  say  si  i'y  doy  toucher.  Car  en  la  plus  grand'  partie,  ie  n'y  enten  que  le  haut  Allemand,  comme  on  dit.4)  Et  ie  croy  de  faict  qu'elle  a  este  composee  apres  avoir  beu  1)  fateri  coacti  sunt.  2)  quum  asini  Cumani  apparuissent  auriculae.  3)  exstat  adhuc  manu  scriptum  thema.  4)  multa  sunt  quae  non  capio.