8:127  127  CONGREGATION  128  faut  tousiours  arrester,  et  iamais  n'en  estre  destournez,  en  sorte  quelconque,  ne  pour  quelque  chose  qui  nous  en  puisse  avenir.  M.  LOYS  TREPPEREAU.  [page  84]  Ceste  saincte  doctrine  est  si  entiere  et  si  parfaicte,  qu'il  n1  est  plus  besoin  qu'on  y  adiouste  quelque  chose.  Mais  le  principal  est  que  nous  en  facions  nostre  profit,  qu'elle  nous  serve  d'armures  contre  tous  blasphemateurs  qui  nous  voudront  destourner  de  la  vraye  doctrine  de  nostre  salut,  et  de  la  voye  d'icelle.  Et  pour  comprendre  en  brief  ce  que  nous  en  devons  cognoistre,  sachons  que  quand  il  est  parle  de  l'election  et  de  la  reprobation,  que  l'election  se  fait  par  grace,  et  la  reprobation  se  fait  par  iuste  iugement  de  Dieu.  Gar  il  ne  faut  point  dire  que  Dieu  soit  cause  de  la  damnation  des  meschans,  mais  c'est  le  vice  qui  est  en  eux.  Et  mesme,  comme  il  a  este  dit,  encores  que  nous  fussions  tous  perdus  et  abysmer,  et  que  iamais  Dieu  n'eust  pitie  de  nous,  ce  seroit  un  iuste  iugement,  et  n'y  auroit  occasion  en  cela  sinon  de  luy  donner  gloire,  confessans  qu'il  est  iuste  iuge,  puis  qu'il  punit  les  meschans  pour  leurs  vices  et  [page  85]  pour  leurs  iniquitez.  Et  quant  a  ce  qu'aucuns  disent  que  Dieu  accepte  les  personnes,  en  damnant  V  un  et  sauvant  V  autre:  c'est  un  moyen  que  le  diable  cerche,  par  lequel  il  ne  demande  sinon  d'obscurcir  et  renverser  la  certitude  que  nous  avons  de  nostre  salut.  Mais  encores  quand  il  est  question  de  monstrer  comment  Dieu  est  iuste  en  tout  ce  qu'il  fait,  s'il  y  avoit  similitude  qui  fust  digne  d'amener  avant,  pour  nous  donner  a  entendre  que  la  gloire  qui  appartient  a  Dieu  doit  estre  coniointe  a  ses  iugemens,  il  n'y  en  a  point  de  plus  propre,  que  celle  que  nous  avons  en  la  iustice  des  hommes.  Regardons,  mes  freres:  voila  un  iuge  qui  condamne  un  homme  a  la  mort  iustement,  et  le  condamne  a  mourir  d'un  tel  supplice  de  mort  :  assavoir  si  on  viendra  a  murmurer  contre  un  tel  iugement?  Non,  mais  au  contraire,  on  louera  une  telle  iustice.  O  loue  soit  Dieu!  dira-on.  Et  pourquoy  ne  louerons-nous  pas  Dieu  quand  il  reprouve  les  meschans?  Et  toutesfois  il  ne  faut  pas  dire  que  Dieu  soit  cause  de  leur  condamnation  [page  86];  mais,  comme  i1  ay  dit,  que  c'est  leur  vice  qui  est  en  eux.  Brief,  V  election  de  Dieu  est  gratuitement  faite,  et  la  reprobation  des  meschans  est  iustement  faite.  Et  cependant  il  ne  faut  point  enquerir  pourquoy  Dieu  fait  cela:  mais  regardons  de  cheminer  en  toute  humilite  et  modestie,  considerans  que  c'est  que  nous  avons  receu  de  Dieu,  pour  luy  en  rendre  louange;  surtout  quand  il  nous  rend  tesmoignage  de  nostre  election,  et  qu'il  nous  fait  participans  de  sa  grace,  laquelle  il  nous  a  eslargie  par  Iesus  Christ.  Et  quand  nous  l'aurons