7:127  127  BRIEVE  INSTRUCTION  128  verie  des  Anabaptistes,  touchant  la  dormition  1)  des  ames,  n'a  este  mise  en  avant,  sinon  que  par  une  secte  d'heretiques,  qu'on  appelle  Arabiques,  et  par  Iehan  Pape  de  Romme,  qui  estoit  il  y  a  plus  de  cent  trente  ans.  Mais  pour  ce  que  c'est  une  chose  si  contrevenante  tant  au  sens  humain,  comme  a  la  foy  Chrestienne  d'assopir  ainsi  les  ames,  du  temps  qu'elles  sont  plus  prochaines  de  Dieu,  pour  avoir  plus  parfaict  sentiment  de  sa  bonte,  toute  la  Chrestiente  a  eu  en  horreur  une  telle  fantasie.  Pourtant  que  tous  ceux  qui  se  voudront  rendre  dociles  a  Dieu  et  a  sa  parolle,  demeurent  en  ce  que  i'ay  desia  monstre  par  l'escriture,  et  qu'ilz  [page  161]  meditent  ceste  belle  promesse,  que  le  iuste  flourira  comme  la  palme,  et  sera  multiplie  comme  un  Cedre  au  Liban:  que  ceux  qui  sont  plantez  en  la  maison  du  Seigneur  floriront,  et  produiront  leur  fruict:  qu'ilz  seront  gras  et  robustes  en  leur  vieillesse  (Ps.  92,  13).  Puis  que  nous  voyons  que  la  vieillesse  est  renouvellee  en  nous  par  la  grace  de  Dieu  d'une  force  miraculeuse,  ne  craingnons  point  quand  nous  voyons  toute  nature  deffaillir.  Plustost  chantons  avec  David:  Mon  ame,  beneis  le  Seigneur,  lequel  remplit  de  biens  ta  bouche,  et  te  raieunist  comme  l'aigle  (Ps.  103,  i.  5).  Et  defaict  nous  avons  la  priere  que  nostre  Seigneur  Iesus  a  faict  a  son  pere  pour  cela,  disant:  Pere,  ie  desire  que  ceux  que  tu  m'as  donnez,  soyent  avec  moy  pour  voir  ma  clarte  2)  (Iehan  17,  24).  Or  comme  nous  avons  approuve  3)  suffisamment  la  vraye  doctrine,  touchant  l'immortalite  des  ames;  aussi  il  est  besoing  d'autre  coste  de  respondre  aux  passages  qu'amenent  les  Anabaptistes,  pour  fondre  leur  erreur.  Premierement  ilz  alleguent  que  la  description  que  l'escriture  met  de  l'ame  humaine,  convient  aussi  bien  a  celle  des  bestes  :  comme  quand  il  est  dit  que  Dieu  a  cree  les  grandes  balaines  et  toute  ame  vivante  (G-en.  1,  21).  Item,  que  les  bestes  sont  entrees  [page  162]  par  couples  en  l'arche  toutes  seules,  ou  y  avoit  esprit  de  vie  (Gen.  7,  15).  Et  pour  confermer  ce  propos  ilz  s'aydent  de  ce  que  dit  sainct  Paul,  que  l'homme  est  maintenant  corruptible  et  mortel  et  animal:  mais  qu'il  ressuscitera  incorruptible,  immortel  et  spirituel,  comme  il  est  escrit:  que  le  premier  homme  a  este  faict  en  ame  vivante  (1  Cor.  15,  45).  Ie  confesse  que  ce  tiltre  d'ame  vivante  est  souvent  attribue  aux  bestes,  pour  ce  qu'elles  vivent  aussi  en  leur  espece.  Mais  il  y  a  grande  diversite  entre  icelles  et  les  hommes.  Car  l'ame  est  appellee  vivante  en  l'homme,  par  laquelle  il  congnoist  et  iuge,  et  a  discretion.  L'ame  1)  le  dormir  1611.  2)  ma  gloire  1611.  3)  prouve  1611.