6:127  LE  CATECHISME  DE  GENEVE.  Ii'EBrFAWT.  Voire.  Car  lors  le  sacrifice  unique  et  perpetuel  a  este  faict  pour  nostre  redemption:  pourquoy  il  ne  reste  plus  sinon  que  nous  en  ayons  la  iouyssance.  LE  MINISTRE.  La  Cene  donc  n'est  pas  instituee  pour  faire  une  oblation  du  corps  de  Iesus  a  Dieu  son  Pere.  L'ENFANT.  Non.  Car  il  n'y  a  que  luy  seul  a  qui  appartienne  cest  office,  entant  qu'il  est  Sacrificateur  eternel  (Hebr.  5,  o).  Mais  il  nous  commande  seulement  de  recevoir  son  corps,  et  non  pas  l'offrir  (Matth.  26,  2b).  LE  MINISTRE.  *)  [fol.  65]  Pourquoy  est-ce  qu'il  y  a  double  signe?  L'ENFANT.  Nostre  Seigneur  l'a  faict  pour  nostre  infirmite:  afin  de  nous  donner  a  congnoistre  que  non  seulement  il  est  viande  a  noz  ames,  mais  aussi  breuvage:  afin  que  nous  cherchions  en  luy  nostre  nourriture  pleine  et  entiere,  et  non  ailleurs.  LE  MINISTRE.  Tous  doyvent-ilz  user  indifferemment  de  ce  second  signe,  assavoir  du  calice?  L'ENFANT.  Ouy:  selon  le  commandement  de  Iesus  Christ,  contre  lequel  il  n'est  licite  de  rien  attenter.  LE  MINISTRE.  Avons-nous  en  la  Cene  simplement  le  tesmoignage  des  choses  dessusdictes,  ou  si  elles  y  sont  vrayement  donnees?  L'ENFANT.  Entant  que  Iesus  Christ  est  la  verite,  il  ne  fault  doubter  que  les  promesses  qu'il  fait  a  la  Cene,  n'y  soyent  accomplies:  et  que  ce  qu'il  y  figure,  n'y  soit  verifie.  Ainsi,  selon  qu'il  le  promet  et  represente,  ie  ne  doubte  pas  qu'il  ne  nous  face  participans  de  sa  propre  substance,  pour  nous  unir  avec  soy  en  une  vic.  LE  MINISTRE.  Mais  comment  cela  se  peut-il  faire,  veu  que  le  corps  de  Iesus  Christ  est  au  ciel,  et  nous  sommes  en  ce  pelerinage  terrien?  L'ENFANT.  C'est  par  la  vertu  incomprehensible  de  son  Esprit,  laquelle  conioinct  bien  les  choses  separees  par  distance  de  lieu.  LE  MINISTRE.  Tu  n'entens  pas  donc  que  le  corps  soit  enclos  dedans  le  pain,  ne  le  sang  dedans  le  calice?