58:127  127  HUITIEME  SERMON  128  de  prendre  nostre  cause  en  main:  et  ne  doutons  point,  quand  les  hommes  nous  seront  si  inhumains,  qu'ils  ne  feront  que  se  moquer  de  ce  que  nous  leur  avons  remonstre,  que  Dieu  en  la  fin  y  mettra  ordre.  Voila  donc  ce  que  nous  avons  a  retenir  de  l'exemple  d'Isaac,  quand  ii  a  ainsi  appele  les  puits,  Noise,  Riote,  Contention:  car  ce  n'a  pas  este  d'une  colere,  ou  d'un  chagrin:  comme  il  y  en  a  beaucoup  qui  se  revengeront,  et  ietteront  quelque  mot  d'iniure:  mais  Isaac  a  recommande  sa  cause  a  Dieu:  comme  aussi  nous  en  sommes  exhortez  par  saint  Pierre,  que  si  nous  sommes  faschez  du  coste  des  hommes,  et  que  nous  n'y  trouvions  plus  nul  remede,  que  nous  attendions  que  Dieu  y  mette  la  main,  comme  il  le  fera.  Or  en  la  fin  il  est  dit,  Qu'Isaac  ayant  cave  un  puits,  dont  il  n'a  point  este  assailli,  qu'il  Ta  nomme  Rehoboth:  comme  s'il  disoit,  Largesse:  et  mesme  il  met  cela  en  nombre  plurier:  il  ne  se  contente  point  de  dire.  Voici  largesse:  mais  il  dit,  Voici  largesses,  que  Dieu  nous  fait.  Nous  voions  encore  mieux  ce  que  ie  vien  de  toucher  :  C'est  quand  Isaac  a  este  angoisse  iusques  au  bout,  qu'il  n'avoit  point  de  l'eau  a  boire,  que  les  hommes  lui  estoient  si  cruels,  qu'il  ne  pouvoit  pas  boire  l'eau  qu'il  avoit  cavee  a  son  propre  labeur,  et  par  les  mains  de  sa  famille,  qu'il  remet  cela  devant  Dieu,  qui  est  iuste  Iuge.  Or  a  l'opposite  quand  Dieu  a  pitie  de  lui,  et  que  les  hommes  ne  le  vienent  plus  tourmenter,  et  qu'il  a  de  l'eau  a  boire  pour  lui  et  pour  toute  sa  suite:  Et  bien,  c'est  Dieu,  dit-il,  qui  m'a  eslargi.  Il  ne  dit  pas,  O  en  la  fin  i'en  suis  venu  &  bout,  ces  meschans  m'ont  laisse:  maintenant  soions  a  nostre  aise.  Il  ne  parle  pas  simplement  ainsi,  comme  feroit  un  homme  profane:  mais  il  veut  qu'il  y  ait  un  memorial  d'action  de  grace,  comme  il  avoit  mis  les  memoriaux  de  complainte,  pour  induire  Dieu  a  lui  faire  misericorde.  Ainsi,  maintenant  il  veut  que  ce  benefice  de  Dieu  soit  la  engrave,  et  qu'on  en  parle,  non  seulement  pour  trois  iours,  mais  apres  son  trespas  mesme:  et  qu'on  cognoisse  en  ce  puits-la  comme  un  signe  de  la  faveur  que  Dieu  a  monstree  envers  lui.  Et  notons  ceste  circonstance,  car  il  ne  laisse  pas  de  remercier  Dieu  d'un  coeur  paisible,  combien  qu'il  ait  este  longuement  afflige.  Quand  nous  avons  endure  beaucoup,  les  graces  de  Dieu  sont  obscurcies  par  le  sentiment  que  nous  avons  de  nostre  mal:  et  si  Dieu  nous  a  laisse  languir  pour  un  temps,  encor  que  puis  apres  il  nous  tende  la  main,  nous  ne  pensons  pas  que  ce  soit  de  lui,  mais  nous  attribuons  cela  a  fortune.  Or  Isaac  n'en  fait  pas  ainsi  :  mais.  encore  qu'on  Tait  dechasse,  et  qu'il  endure  par  longue  espace  de  temps,  si  tost  que  Dieu  lui  donne  relasche,  il  benit  son  Nom,  et  dit,  Dieu  nous  a  eslargis.  Voila  donc  les  largesses  de  Dieu  que  ie  contempleray  (dit-il)  en  ce  puits.  Or  nous  avons  a  noter  pour  la  fin  quelle  a  este  la  patience  d'Isaac.