52:127  127  EPIST.  PAULI  AD  COLOSSENSES  128  BI  putarent  nullam  sui,  aut  non  magnam  haberi  rationem  coram  Deo,  non  esse  curae  suas  miserias.  Deinde  saepe  fit  ut  servi  ipsi  occupent  ulcisci  malam  et  inhumanam  tractationem.  Huic  igitur  malo  occurrit,  quum  admonet  exspectandum  esse  Dei  iudicium  cum  tolerantia.  CAPUT  iv.  1.  Domini,  quod  iustum  est,  servis  exhibete,  mutuamque  aequabilitate��,  scientes  quod  vos  quoque  dominum  habeatis  in  coelis.  2.  Orationi  instate,  vigilantes  in  ea,  cum  gratiarum  actione.  3.  Orate  simul  et  pro  nobiSy  ut  Deus  aperiat  nobis  ianuam  sermonis  ad  loquendum  mysterium  Christi,  cuius  etiam  causa  vinctus  sum,  4.  ut  manifestem  illud,  quemadmodum  oportet  me  loqui.  1.  Domini,  quod  iustum  est  Quod  iustum  est,  priore  loco  ponit,  qua  voce  humanitatem  Ulam  designat  de  qua  praecepit  in  epistola  ad  Ephesios  (6,  8).  Sed  quia  servilis  conditio  ab  heris  despicitur  quasi  e  sublimi,  ut  nulla  se  lege  obstringi  putent:  in  ordinem  eos  cogit  Paulus:  quia  utrique  pariter  subiaceant  Dei  imperio.  Hinc  ista  cuius  meminit  aequabilitas.  Mutuamque  aequabilitatem.  Alii  secus  exponunt:  sed  non  dubito  quin  Paulus  iaOTYjxa  hic  posuerit  pro  iure  analogo,  aut  distributio:  quemadmodum  ad  Ephesios  xa  auxoc.  Neque  enim  sic  habent  do*  mini  obnoxios  sibi  servos,  quin  vicissim  aliquid  ipsis  debeant:  quemadmodum  ius  analogum  valere  debet  inter  omnes  ordines.  2.  Orationi  instate.  Redit  ad  generales  exhortationes,  in  quibus  non  debemus  requirere  exactum  ordinem:  fuisset  enim  hoc  modo  ab  oratione  incipiendum.  Sed  Paulus  id  minime  spectavit.  Porro  hic  in  oratione  duo  commendat,  primo  assiduitatem  :  deinde  alacritatem,  vel  seriam  intentionem.  Nam  quum  dicit,  Instate,  ad  perseverandum  hortatur.  Vigilantiam  autem  opponit  frigori  et  oscitantiae.  Addit  gratiarum  actionem,  quia  sic  pro  necessitate  praesente  rogandus  est  Deus  ut  non  obliviscamur  interim  accepta  beneficia.  Deinde  non  debemus  ita  esse  importuni,  ut  fremamus  et  indignemur  si  protinus  votis  nostris  Deus  non  obtemperet,  sed  aequis  animis  excipere  quidquid  dederit.  Ita  duplex  gratiarum  actio  necessaria  est.  Qua  de  re  aliquid  etiam  dictum  fuit  ad  Philippenses  capite  4,  6.  3.  Orate  simul  et  pro  nobis.  Non  facit  hoc  per  simulationem:  sed  quia  necessitatis  suae  sibi  conscius  serio  optabat  illorum  precibus  iuvari,  et  persuasus  erat  eas  sibi  profuturas.  Quis  ergo  nunc  audeat  fratrum  intercessiones  contemnere,  quibus  Paulus  indigere  se  profitetur?  Et  certe  non  frustra  instituit  Dominus  hoc  caritatis  exercitium  inter  nos