51:127  127  SERMONS  128  biens  que  Dieu  nous  offre  par  l'Evangile,  c'est  d'autant  que  nous  sommes  preoccupez  du  monde.  Et  d'autre  part  aussi  nous  prisons  nar  trop  ce  monde  ci.  Et  qui  en  est  cause?  C'est  que  nous  ne  cognoissons  pas  les  biens  inestimables  que  Dieu  nous  offre.  Ainsi  conioignons  ces  deux  ensemble,  c'est  que  nous  soyons  crucifiez  au  monde,  et  le  monde  a  nous,  d'autant  que  nous  avons  toute  nostre  gloire  en  Iesus  Christ  crucifie.  Or  ceci  est  plus  aise  a  dire  qu'a  faire,  et  pourtant  il  faut  que  chacun  s'efforce  en  son  endroit:  et  quand  il  aura  entendu  ceste  doctrine,  qu'il  Ia  mette  en  practique.  Car  si  nous  desirons  d'estre  tenus  et  advouez  Chrestiens  devant  Dieu  et  ses  Anges,  il  faut  que  nous  soyons  conformez  a  sainct  Paul  en  ce  qu'il  met  ici,  et  de  faict  si  nous  a'estions  trop  mal  avisez,  nous  en  avons  assez  d'occasion,  comme  il  a  este  dit.  Car  ceux  qui  entreront  seulement  en  eux  pour  penser  quels  ils  sont,  et  quelle  est  leur  condition,  cependant  ils  sont  separez  de  Iesus  Christ,  il  faut  bien  qu'ils  soyent  espouvantez  pour  sentir  Tire  de  Dieu  laquelle  ils  meritent,  sentans  qu'ils  sont  plongez  en  telle  malediction  qu'il  vaudroit  mieux  que  la  terre  les  eust  cent  fois  engloutis  que  d'y  avoir  vescu  un  seul  iour,  et  cependant  qu'ils  soyent  ainsi  ennemis  de  leur  Dieu  duquel  ils  ne  peuvent  eschapper  la  main.  Apprenons  donc  de  regarder  a  nous.  Ceux  qui  se  voudront  parer  selon  le  monde,  et  sur  tout  les  femmes,  regarderont  en  un  miroir,  et  il  y  a  de  la  curiosite  et  solicitude  tant  et  plus:  et  cependant  nous  ne  pouvons  nous  mirer  pour  voir  quelles  sont  nos  pouretez  et  ordures  afin  de  nous  humilier  vrayement  devant  Dieu,  et  de  cercher  nostre  gloire  ou  elle  est.  Or  il  est  certain  que  celuy  qui  cognoit  quelle  est  son  ignominie  et  vergongne,  il  taschera  de  venir  au  remede,  voire  moyennant  que  l'Esprit  de  Dieu  besongne  vivement  en  nous,  et  que  nous  ne  soyons  pas  (comme  i'ay  desia  dit)  enyvrez  de  Satan.  Apprenons  de  nous  regarder  et  sans  feintise  et  sans  flatterie:  et  quand  nous  aurons  cognu  nos  pouretez  et  nos  miseres,  que  nous  venions  a  nostre  Seigneur  Iesus  Christ.  Et  puis  qu'ainsi  est  que  par  le  moyen  de  la  croix  il  faut  que  toute  hautesse  et  dignite  et  vanterie  soyent  abatues,  que  nous  soyons  vrayement  crucifiez  au  monde,  et  que  le  monde  aussi  ne  nous  soit  plus  rien.  Or  quand  sainct  Paul  dit  que  le  monde  luy  a  este  crucifie,  et  luy  au  monde,  il  est  vray  qu'il  entend  une  mesme  chose:  mais  cependant  il  a  voulu  encores  plus  fort  declarer  comment  nous  pourrons  renoncer  au  monde  et  en  estre  separez,  c'est  que  nous  soyons  crucifiez  a  nous  mesmes  quant  au  monde,  c'est  a  dire  que  tous  les  appetis  qui  repugnent  en  nous  et  ont  par  trop  de  vigueur,  et  nous  enflamment  du  tout  comme  un  feu  bruslant,