44:127  127  IN  ZACHARIAM  128  fuisset  maior  centum  et  quinquaginta  annis,  sed  superasset  fere  annos  ducentos  post  mortem  suam.  Hoc  quum  prorsus  ex  iudaico  delirio  nascatur  de  hominum  renascentia,  memoratu  non  minus  quam  refutatione  indignum  est.  Atqui  vocatur  filius  Barachiae.  Sed  probabilis  coniectura  est  Ioiadam  sacerdotem  fuisse  binominem:  nec  verisimile  est  fuisse  prophetam.  Quidquid  sit,  Zacharias  ille  qui  obrutus  fuit  iussu  regis  lapidibus  in  templo,  fuit  filius  summi  sacerdotis,  et  mortuus  est  plus  quam  centum  annis  ante  exsilium  babylonicum.  Hic  vero,  etiamsi  fuisset  sexagenarius  antequam  susciperet  munus  docendi,  tamen  nondum  fuisset  natus,  quum  tractus  fuerat  populus  in  exsilium.  Diximus  enim  hunc  Darium  non  fuisse  Medum  qui  regnavit  cum  Cyro,  sed  filium  Hystaspis,  qui  longo  post  tempore,  hoc  est,  post  Cambysem  et  magos  regnavit.  Nam  facile  etiam  refellitur  eorum  inscitia,  qui  putant  prophetas  hos  fuisse  missos  a  Deo  antequam  completum  esset  tempus  praescriptum  a  Ieremia.  Quoniam  ergo  iam  elapsi  fuerant  septuaginta  anni,  non  dubium  est  quin  hic  propheta  natus  fuerit  ex  quo  urbe  diruta  et  templo  exciso,  populus  tractus  fuerat  Babylonem  captivus.  Iam  venio  ad  ipsam  doctrinam:  Iratus  est  Iehova  ira  contra  patres  vestros.  Hic  propheta  atrocitatem  poenae  commemorat  qua  Iudaei  fuerant  affecti,  ut  posteri  secum  reputent  non  esse  provocandum  Deum,  qui  tam  rigide  puniat  contemptores  verbi  sui  et  doctrinae.  Nam  quum  dicit  Deum  iratum  ira,  intelligit  non  vulgari  modo  Deum  fuisse  offensum  Iudaeis,  sed  ipsam  poenae  gravitatem  satis  clarum  esse  documentum  quantopere  excanduerit  Deus.  Consilium  autem  prophetae  est,  expergefacere  Iudaeos,  ut  Deum  serio  timere  incipiant,  quia  vident  tam  formidabilem  esse  eius  iram.  Generaliter  dicit  apostolus  horrendum  esse  incidere  in  manus  Dei  vivi:  sic  etiam  passim  loquitur  scriptura:  sed  hic  ponit  Zacharias  genti  suae  ante  oculos  insigne  testimonium  irae  Dei,  quae  merito  incutere  terrorem  omnibus  debuerat.  Non  ergo  hic  concionatur  de  re  obscura,  sed*  tantum  admonet  ut  secum  reputent  quam  terribilis  sit  vindicta  Dei,  eo  quod  patres  ipsorum  privati  fuerint  aeterna  haereditate,  quod  passi  fuerint  tot  ludibria:  deinde  crudeliter  vexati  fuerint  atque  oppressi  a  tyrannis:  denique  fere  subversi  fuerint  ultimis  abyssis.  Quum  ergo  tam  duriter  egisset  Deus  cum  ipsorum  patribus,  iubet  propheta  eos  agnoscere  Deum  esse  metuendum,  ne  lasciviant  suo  more,  vel  sibi  indulgeant:  sed  resipiscant  ex  animo,  neque  data  opera  provocent  in  se  iram  Dei,  quam  patres  eorum  nimis  duram  experti  fuerant.  Iam  sequitur,  Dices  ad  eosf  Revertimini  ad  me,  et  revertar  ad  vos.  Nunc  clarius  exprimit  propheta  in  quem  finem  loquutus  fuerit  de  vindicta  Dei,  qua  afflixerat  electum  populum,