27:127  127  SERMON  LXXVIII.  128  voire  les  mousches,  mesmes  seulement  en  vollant,  comme  l'Escriture  en  parle?  Voici  nostre  Dieu  qui  se  presente  en  se  maieste,  qui  demande  que  nous  luy  facions  hommage,  nous  humiliant  sous  luy,  et  luy  faisant  offrande  de  nos  ames,  et  de  nos  corps,  afin  qu'il  nous  possede.  Or  nous  le  despittons,  nous  ne  faisons  que  nous  mocquer  de  sa  saincte  parolle,  il  ne  peut  arracher  nul  service  de  nous:  car  nous  luy  sommes  rebelles  comme  bestes  sauvages.  Quand  il  voit  cela,  n'est-ce  pas  raison  qu'il  nous  chastie  en  faisant  que  nous  tremblions  devant  les  hommes?  Car  qui  sommes-nous?  Voici  une  vermine  qui  s'esleve,  tellement  qu'elle  me  fera  craindre,  et  trembler.  Il  ne  faut  pas  que  ie  face  longs  circuits  pour  savoir  la  raison:  seulement  que  ie  regarde:  Comment  est-ce  que  ie  me  suis  porte  avec  mon  Dieu,  pour  luy  rendre  toute  obeissance?  Mais  au  contraire,  ie  me  suis  destourne  de  luy:  qui  plus  est,  i'ay  fait  du  revesche,  ie  me  suis  iette  hors  des  gonds,  i'ay  (en  somme)  bataille  contre  luy:  il  ne  faut  plus  donc  que  ie  trouve  estrange  si  ie  crain  les  hommes  qui  ne  sont  rien.  Mesmes  Dieu  se  mocquera  encores  plus  de  nostre  orgueil  et  outrecuidance:  car  il  ne  faudra  sinon  une  fueille  tomber  d'un  arbre,  pour  nous  faire  trembler:  brief,  sans  qu'on  nous  persecute  (comme  dit  Salomon)  nous  fuyrons:  qu'il  ne  faudra  qu'un  petit  son,  qu'il  nous  semblera  qu'on  nous  poursuyve  a  grands  coups.  Voire,  mais  c'est  un  don  singulier  de  Dieu  que  ce  repos  de  conscience,  que  nous  soyons  asseurez  qu'il  nous  garde:  et  aussi  a  l'opposite,  s'il  ne  nous  a  plus  en  ea  protection,  nous  serons  esperdus,  sans  qu'il  y  ait  nulle  occasion  selon  les  hommes,  d'autant  que  nous  aurons  Dieu  qui  nous  sera  contraire.  Et  ainsi  voila  qui  est  cause  que  nos  ennemis  nous  tormentent,  en  sorte  que  nous  ne  savons  que  devenir:  c'est  pource  que  nous  ne  regardons  point  a  nostre  Dieu.  Car  est-ce  raison,  quand  nous  ne  sommes  point  de  son  coste,  qu'il  nous  soit  ami?  Mais  il  faut  qu'il  se  dresse  contre  nous:  et  voila  pourquoy  il  est  dit  aux  autres  passages  de  Moyse,  et  sur  tout  au  Cantique,  qui  est  le  XXXII.  chapitre:  Comment  se  pourroit-il  faire  qu'une  centaine  d'hommes  (dit-il)  fuyssent  devant  un  seul:  et  comment  cent  hommes  despiteroyent-ils  mille  ennemis,  si  ce  n'estoit  que  le  Seigneur  vous  eust  laissez,  et  vous  eust  rendus  captifs  entre  leurs  mains?  Advisez  donc  (dit-il)  quand  vous  estes  ainsi  affligez  de  vos  ennemis,  c'est  pource  que  vostre  Dieu  vous  a  mattez  :  car  vous  n'estes  pas  dignes  aussi  qu'il  mette  sa  vertu  en  vous,  ne  qu'il  la  declare.  Et  ainsi  toutes  fois  et  quantes  que  nous  craindrons  par  trop  nos  ennemis,  et  que  nous  serons  tellement  estonnez,  qu'a  grand'  peine  pourrons-nous  invoquer  Dieu,  et  mesmes  nous  serons  pleins  de  deffiance,  et  serons  la  troublez:  cognoissons  que  Dieu  s'est