21:127  127  THEODORI  BEZAE  128  quidem  Genevam,  inde  Lausannam,  postea  Neocomum:  Satanae  spiritu  usque  adeo  ubique  eomite,  ut  quocunque  venisset  certa  suae  turpitudinis  impressa  vestigia  relinqueret.  Ubi  se  videbat  a  nostris  argui,  ad  adversarios  transibat:  ab  illis  rursum  ad  nostros,  uti  illius  artes  aperte  descriptae  exstant  prolixa  quadum  Farelli  ad  Calvinum  epistola.  Tandem  igitur  aperte  coepit  optimum  quemque  et  quidem  imprimis  Farellum,  Calvinum,  Viretum  quasi  de  sacra  triade  minus  recte  sentientes  criminari.  Habita  est  ea  de  re  synodus  Bernae  valde  frequens,  in  qua  damnatus  calumniae  Petrus  Caroli  paulatim  postea  defecit,  tandemque  Mediomatrices  subornatus  venit,  ut  opus  Domini,  quod  feliciter  illic  Farellus  inchoarat,  impediret.  Inde  scripta  epistola  pios  aperte  lacessivit,  ut  apostasiae  suae  plena  spe  facta  beneficium  aliquod  canis  famelicus  obtineret.  Romam  autem  nihilominus  remissus,  ut  coram  ipsi  bestiae  satisfaceret,  ibique  cum  ludibrio  exceptus,  premente  inopia  et  Gallica  scabie,  vix  in  xenodochium  receptus  stipendium  tandem  peccati,  mortem  videlicet  a  filio  peccati*)  retulit.  Et  hic  quidem  fuit  illius  infelicis  exitus.  Interea  Calvinus  anno  videlicet  MDXXXVII,  quod  multos  in  Gallia  videret  veritatem  quidem  intus  probe  noscentes,  sibi  tamen  indulgentes,  quasi  Christum  animo  colere  satis  esset,  etiamsi  papisticis  sacris  interessent,  duas  elegantissimas  epistolas  edidit:  unam  de  fugienda  idololatria  Nicolao  Chemino,  quo  amico  et  hospite  usus  Aureliae  plurimum  fuerat,  officiali  postea  Cenomanensi  designato:  alteram  de  papisticis  sacerdotiis,  Gerardo  illi  Ruffo  2)  cuius  antea  memini,  quique  abbatia  quadam  ac  deinceps  episcopatu  post  editum  illum  [B  1]  Parisiensem  tumultum  donatus,  non  modo  postea  satis  rectum  cursum  non  tenuit,  verum  etiam  heram  suam  Navarrenam  reginam  paulatim  pessumdedit.  Caeterum  haec  illum  agentem  gravissimae  domesticae  seditiones  exceperunt.  Admissum  fuerat  in  urbe,  sicut  antea  diximus,  evangelium  et  papatus  eiuratus.  Sed  extrusa  simul  a  plerisque  non  fuerant  indigna  multa  flagitia,  quae  in  ea  urbe  canonicis  et  impuro  illi  clero  tot  annos  addicta  diu  viguerant,  et  veteres  inter  quasdam  primarias  familias  inimicitiae  bello  Sabaudico  susceptae  adhuc  exercebantur.  Quibus  leni  primum  admonitione,  deinde  graviori  adversus  refractarios  increpatione  tollendis  quum  nihil  proficeretur,  et  eo  usque  malum  processisset,  ut  civitas  privatorum  quorundam  factione  in  diversas  partes  scinderetur  et  non  pauci  sese  in  ordinem  1)  a  filio  peccati  om.  edd.  recenti.  2)  Edd.  recenti,  add.  dicatam.  Incaute  NicJcelius  Staehehnum  reprehendit  quod  Ruffum  in  Kousselum  mutaverit  Hoc  enim  verum  viri  nomen  erat