19:127  127  EPISTOLAE  3621.3624  123  (Archives  de  Geneve.  Pieces  historiques,  fascic.  1712.  Souscription  autographo)  A  Messieurs  et  bons  amys  Messieurs  les  Scindicques  et  conseil  de  Genefve.  Messieurs  et  bons  amys,  Oongnoissant  le  sainct  et  vertueux  zelle  que  vous  portez  a  lavancement  de  la  gloire  de  Dieu  et  le  desir  que  avez  que  sa  pure  doctrine  puisse  prandre  pied  et  racine  en  ce  roiaume  Ainsi  que  desia  nous  commenceons  a  en  voir  les  apparences  claires  et  grandes,  jay  pense  puis  que  nostre  seigneur  a  faict  si  heureusement  prosperer  le  voiage  que  y  a  faict  Mr.  de  Besze,  duquel  jl  sest  servi  comme  de  son  jnstrument  a  ledifficacion  de  son  eglise,  que  pour  la  conservacion  dung  tel  et  si  savoureux  fruict  vous  ne  trouverez  mauvais  que  nous  laions  retenu  encore  pour  environ  quatre  mois  aupres  de  la  Royne  ma  seur  et  pource  qu'en  luy  proposant  ce  retardement  jl  a  faict  jnstance  grande  sur  lobeissance  quil  vous  doibt  et  veult  rendre,  affin  de  luy  lever  de  ma  part  toutes  les  difficultez  et  excuses  quil  porroit  sur  ce  alleguer  et  prandre  je  vous  en  ay  bien  voulu  escrire  ceste  lettre  pour  vous  prier  tresaffectueusement  au  nom  de  Dieu,  Messieurs  et  bons  amys,  non  seullement  luy  permectre  tel  seiour  pardeca  mais  expressement  le  luy  ordonner  et  enjoindre.  Ce  faisant  oultre  le  bien  et  proffit  commun  que  vous  moiennerez  a  la  france,  laquelle  sen  sentira  jnfiniement  gratiffiee  de  vous,  je  le  tiendray  si  estroictement  et  particulier  en  moy  que  jamais  je  n'en  oubliray  le  plaisir  et  lobligacion  pour  le  recongnoistre  generalement  envers  le  corps  de  vostre  republique  ou  en  prive  envers  les  membres  dicelle  par  tous  les  bons  et  dignes  offices  dont  vous  me  vouldrez  requerir  et  emploier.  Ce  que  je  feray  tousiours  daussi  bon  cueur  que  je  supplie  le  createur,  Messieurs  et  bons  amys,  conserver  vous  et  vostre  estat  en  parfaicte  et  contente  prosperite.  Escript  a  St.  Germain  en  laye.  Ce  xxiiije  jour  de  Novembre  1561.  Vostre  bon  amy  Loys  de  bourbon.  3622.  BULLINGERUS  CALVINO.  Vermilius  redux  re  bene  gesta.  Germani  theologi  in  itinere  certantes.  Negotium  inter  Helvetios  et  Sabaudum.