9:126  supposts,  sous  ombre  de  couvrir  telle  ordure,  la  font  sentir  a  tout  le  monde  pour  la  detester;  car  il  n'est  pas  possible  de  choisir  gens  a  louage  qui  mettent  en  plus  grand  opprobre  tout  le  clerge  du  Pape,  que  fait  ce  beiistre,  qui  ne  pense  pas  que  ie  luy  doyve  respondre,  sinon  y  estant  contraint.  Or  en  premier  lieu,  il  faut  que  les  Lecteurs  soyent  advertis  quelle  colere  l'a  esmeu  a  se  tempester  ainsi,  non  seulement  contre  moy  mais  contre  l'Eglise  et  escole  de  Lansanne.  Maistre  Guillaume  Farel  y  a  este  fourre  parmi,  non  pour  autre  raison,  sinon  que  pour  diffamer  tout  ce  qui  nous  attouche.  C'est,  qu'estant  arrive  a  Geneve  en  la  compagnie  d'une  putain  qu'il  trainoit  par  tout,  il  commenca  par  demander  l'aumosne,  s'offrant  toutesfois  a  enseigner  les  enfans  en  Arithmetique  et  chifres.  En  attendant  qu'on  se  fust  enquis  de  luy,  ie  croy  bien  qu'on  luy  donna  quelque  repas.  1)  Mais  a  fin  qu'on  ne  fust  trop  empesche  a  prendre  longues  informations,  luy-mesme  avec  son  bon  parti2)  s'avancerent  sans  estre  solicitez  d'ailleurs.  Les  gestes  et  propos  de  la  damoiselle  monstroyent  bien  qu'elle  avoit  trop  hante  le  monde:  car  il  n'y  avoit  celuy  tant  asseure  auquel  elle  ne  fist  honte  par  son  impudence.  Puis  ils  ne  se  purent  tenir  de  diabler3)  en  l'hostelerie,  et  se  prendre  au  poil  pour  essayer  qui  seroit  le  plus  fort.  Nous,  en  moins  de  deux  iours,  ayans  desia  telle  espreuve,  ne  pensons  pas  qu'il  faille  plus  differer  a  les  examiner  de  plus  pres,  a  fin  que  nos  Seigneurs  en  fussent  advertis,  pour  en  purger  leur  ville.  Ie  ne  feray  long  discours  de  ce  qu'on  y  trouva;  seulement  ie  diray  ce  mot,  que  par  leurs  propres  bousches,  ils  furent  convaincus  d'estre  un  ruffien4)  et  une  putain.  Cardu  commencement  ils  faisoyent  bien  semblant  d'estre  mariez:  mais  quand  on  les  interroga  a  part  de  la  paroisse,  l'un  nous  mena  a  sainct  Honore,  et  l'autre  a  sainct  Severin.6)  En  la  fin,  il  fallut  qu'ils  vinsent  a  1)  pecuniae  aliquid  ad  victum  accepit.  2)  itineris  comes.  3)  in  diras  prorumpere.  4)  leno.  5)  varia  templa  papistica.