8:126  de  tout  temps,  et  lesquels  il  baille  de  main  en  main  a  nostre  Seigneur  Iesus  Christ:  comme  s'il  luy  disait:  Voicy,  ie  te  donne  les  miens,  et  veux  que  tu  sois  protecteur  de  mes  esleus.  Voila  comment  nous  devons  cognoistre  que  nous  sommes  tellement  en  la  main  de  nostre  Seigneur  Iesus  Christ,  que  nous  luy  avons  este  donnes  de  Dieu  son  Pere,  a  cause  qu'il  nous  avoit  esleus  par  sa  bonte  gratuite.  Car  autrement,  si  cela  estoit  en  nostre  liberte  de  recevoir  ou  reietter  la  foy,  quand  elle  nous  seroit  presentee,  de  l'accepter  de  nostre  propre  vertu,  que  seroit-ce?  Ou  seroit  le  fondement  de  ceste  certitude  de  la  beatitude  eternelle  que  nous  devons  avoir  ?  Sur  quoy  seroit  fonde  nostre  salut?  Sur  la  volonte  inconstante  des  hommes!  Et  quelle  asseurance  y  auroit-il,  s'il  falloit  que  l'homme  esleust  cela  a  sa  fantasie,  pour  dire:  Ie  veux  croire!  et  incontinent  apres  il  pourroit  placquer  la  tout!  Et  bien,  prenons  le  cas,  qu'un  [page  82]  homme  ait  bonne  affection  de  croire,  selon  qu'il  est  inconstant  et  muable,  et  que  son  propos  luy  changer  a,  le  voila  diverty,  si  tost  qu'il  luy  viendra  quelque  fantasie  en  l'esprit  Et  ne  pourroit  autrement  avenir,  ie  dy  mesme  a  tous  les  plus  constans  et  les  plus  fermes  du  monde,  voire  si  nostre  foy  estoit  fondee  sur  nostre  propre  vertu,  comme  ces  mal-heureux  l'afferment  Mais  quand  nous  savons  maintenant  que  nous  sommes  donnes  de  la  main  du  Pere  a  son  Fils,  et  qu'il  nous  prend  en  sa  garde,  par  le  moyen  de  ceste  donation  icy:  nous  voyons  sur  quoy  nostre  foy  doit  estre  appuyee,  sur  quoy  elle  a  prins  son  fondement,  c'est  assavoir  sur  la  bonte  et  misericorde  de  Dieu,  estans  asseures  que  ce  que  le  Fils  a  prins  une  fois  en  garde  du  Pere,  ne  perira  iamais;  que  quand  nous  serons  sous  la  protection  et  sauvegarde  de  nostre  Seigneur  Iesus  Christ,  nous  serons  hors  de  tous  dangers  :  pour  le  moins,  nous  ne  serons  point  frustree  du  salut  qu'il  nous  a  acquis,  et  duquel  nous  entrons  desia  en  possession,  par  la  [page  83]  foy  que  nous  avons  en  luy.  Voila  en  bref  ce  que  ie  vouloye  adiouster  a  ce  que  les  freres  ont  dit,  pour  confirmer  la  doctrine  qui  a  este  amenee.  Au  reste,  ie  prie  de  ma  part  au  nom  de  Dieu,  que  nous  ne  nous  laissions  point  esblouir  par  la  grandeur  des  hommes,  qu'il  semble  avis  qu'ils  doivent  ravir  les  simples  iusques  au  ciel  par  leur  hautesse  et  excellence:  car  c'est  alors  qu'ils  s'efforcent  de  renverser  la  verite  de  Dieu.  Davantage,  quand  nous  verrons  icy  leur  belle  rhetorique,  qu'ils  auront  de  gros  mots  et  magnifiques  pour  emplir  les  aureilles  des  ignorans,  ne  nous  laissons  point  transporter  par  cela  :  mais  cheminons  en  la  crainte  et  en  la  verite  de  Dieu.  Il  est  vray  qu'elle  est  simple,  mais  elle  a  plus  de  maieste  que  toute  la  pompe  et  excellence  de  ces  langues  bien  affilees  qui  se  transportent  en  paroles  vaines,  et  qui  pensent  resister  a  la  verite  de  Dieu,  a  laquelle  il  nous