27:126  dit,  nous  sommes  assiegez  de  tous  costez,  et  par  Satan,  et  par  ses  supposts:  il  n'y  a  minute  de  temps,  ou  nous  n'ayons  quelque  frayeur  pour  nous  estonner,  il  y  a  un  million  de  dangers  qui  nous  environnent:  que  deviendrons-nous,  si  nous  n'avons  ceste  doctrine  bien  persuadee,  et  que  nous  la  facions  valoir  de  fossez,  de  rampars,  pour  soustenir  toutes  les  alarmes  que  nos  ennemis  nous  feront?  Et  ainsi,  voyans  que  nostre  vie  est  pleine  d'inquietude,  et  que  nous  sommes  menacez  de  beaucoup  d'especes  de  mort,  que  nous  ne  pouvons  point  marcher  un  pas  que  nous  n'ayons  quelque  mauvaise  rencontre,  attendu  les  moyens  que  le  diable  a  de  nous  nuire,  et  l'effort  dont  ii  use,  attendu  la  multitude  des  malins  lesquels  il  pousse,  et  transporte:  que  nous  parttiquions  ceste  doctrine:  c'est  que  le  Dieu  des  armees,  et  qui  a  la  victoire  en  sa  main,  est  de  nostre  coste,  qu'il  nous  veut  maintenir,  que  nous  ne  serons  point  veincus,  quand  nous  serons  en  sa  garde,  que  nous  serons  garantis  par  sa  vertu.  Que  nous  cheminions  hardiment  quand  nous  aurons  cela  bien  imprime  en  nos  coeurs  :  et  si  nous  voyons  la  felonnie  qui  se  desgorge  par  les  hommes,  que  nous  voyons  qu'ils  soyent  tant  fiers  qu'il  semble  qu'ils  nous  pourront  manger  a  un  grain  de  sel.  Et  bien:  Dieu  leur  donnera  une  telle  frayeur,  qu'ils  seront  abbattus  et  descouragez:  et  encores  que  nous  n'ayons  ni  espee,  ni  baston,  si  est-ce  qu'ils  seront  vaincus  d'euxmesmes,  et  ne  sauront  pourquoy,  ne  comment,  sinon  que  Dieu  y  aura  besongne  d'une  facon  secrette.  Attendons  cela,  et  l'experience  monstrera  que  Dieu  ne  nous  a  point  voulu  frustrer,  quand  il  a  prononce  ceci  de  sa  bouche:  mais  nostre  incredulite  et  malice  empesche  que  nous  n'appercevons  point  par  experience  ce  qui  est  ici  dit.  Nous  ferons  bien  nos  complaintes:  Et  comment  Dieu  donne-il  une  telle  hardiesse  a  nos  ennemis?  et  comment  sommes-nous  si  lasches,  et  si  esperdus?  Nous  demanderons  cela.  Mais  nous  ne  regardons  point  la  cause  pourquoy:  et  neantmoins  elle  est  en  nous:  et  nos  ennemis  n'ont  autre  puissance,  sinon  celle  que  nous  leur  donnons,  ie  di  tant  a  Satan  qu'a  tous  ses  supposts.  Car  quand  nous  delaissons  nostre  Dieu,  c'est  bien  raison  que  nous  soyons  desproveus  de  son  aide,  et  qu'il  nous  laisse  la  comme  povres  gens  desesperez,  en  regardant  et  a  dextre,  et  a  gauche,  et  ne  voyant  nul  remede  pour  resister  a  nos  ennemis:  d'autant  que  nous  sommes  destituez  de  la  munition  et  forteresse  invincible  que  Dieu  nous  promettoit:  comme  aussi  il  en  est  parle  tant  en  Exode,  qu'au  Pseaume,  que  le  peuple  s'est  desgarni  de  sa  forteresse,  quand  il  a  delaisse  son  Dieu.  Ie  vous  prie,  quand  nous  ne  craignons  point  Dieu,  n'est-ce  pas  raison  qu'il  nous  face  craindre,  et  les  hommes,  et  les  bestes,