21:126  accedente  plebis  consensu,  delectus  non  concionator  tantum  (hoc  autem  primum  recusarat),  sed  etiam/  sacrarum  literarum  doctor,  quod  unum  admittebat,  est  designatus  anno  Domini  MDXXXVI  mense  Augusto.  Atque  idem  hic  annus  inito  inter  duas  civitates  Bernam  et  Genevam  arctiori  foedere  et  Lausannae  ad  Christum  accessione,  habita  adversus  pontificios  libera  disputatione,  cui  Calvinus  quoque  interfuit,  celebratus  est.  Tunc  edita  est  a  Calvino  Christianae  doctrinae  quaedam  veluti  formula,  vixdum  emergenti  e  papatus  sordibus  Genevensi  ecclesiae  accommodata.  Addidit  etiam  Catechismum,  non  illum  in  quaestiones  et  responsiones  distributum,  quem  nunc  habemus,  sed  alium  multo  breviorem,  praecipua  religionis  capita  complexum.  Aggressus  deinde  cum  Farello  et  Coraldo,  plerisque  ex  collegis  timiditate  l)  turbas  fugientibus,  nonnullis  etiam,  quae  maxima  Calvini  sollicitudo  fuit,  clam  opus  Domini  impedientibus,  ecclesiam  componere,  a  civibus  primum  omnium  contendit,  ut  [fol.  II.  3]  coactus  populus  universus,  eiurato  palam  papatu,  in  christianam  religionem  ac  disciplinam  paucis  capitibus  comprehensam  iuraret.  Quod  etsi  non  pauci  recusarent,  ut  in  urbe  vixdum  ex  Sabaudi  Ducis  retibus  et  Antichristi  iugo  liberata  et  multis  adhuc  factionibus  aestuante,  dedit  tamen  Dominus  XX.  Iulii  anno  MDXXXVII,  ut  palam  praeeunte  publico  scriba,  a  Senatu  Populoque  Genevensi  in  christianae  religionis  ac  disciplinae  simul  capita  iuraretur.  Istis  vero  exacerbatus  Satan,  et  frustra,  quod  per  externos  hostes  infinitis  modis  tentarat,  efficere  sese  pietatis  obtentu  ratus  primum  omnium  Anabaptistas,  deinde  Petrum  Caroli,  de  quo  mox  dicemus,  opposuit,  qui  opus  istud  Domini,  sive  quod  illud  qualecunque  iam  erat  ei  magnopere  ingratum  esset,  sive  quod  ea  quae  postea  consequuta  sunt  prospiceret,  non  interturbarent  modo,  verum  etiam  destruerent  prorsus  atque  subverterent.  Sed  anteverterat  Satanam  Dominus,  quod  ipse  rei  eventus  docuit.  Anabaptistas  enim  Calvinus  et  collegae  publica  liberaque  disputatione  convocatos  ea  gravitate  ex  uno  Dei  verbo  confutarunt  XVIII.  Martii  anno  MDXXXVII  ut,  quod  rarae  cuiusdam  fuit  felicitatis,  ab  eo  tempore  vix  unus  aut  alter  in  hac  ecclesia  adparuerit.  Alter  ecclesiae  turbator  Petrus  Caroli  nomine  maiores  et  diuturniores  turbas  dedit,  quarum  duntaxat  summam  recensebo,  quod  tota  huius  certaminis  historia  exstet  et  ex  quadam  Calvini  ad  Grynaeum  epistola  colligi  possit.  Istum  gnaviter  impudentem  sophistam  mater  Sorbona,  quae  pepererat,  postea  tanquam  haereticum  non  ita  de  ipsa  meritum  eiecit.  Venit  igitur  ille  primum  1)  Edd.  rece.  prae  timiditate.